సక్సెస్ కోసం సందీప్ టూర్..
- IndiaGlitz, [Thursday,March 17 2016]
సందీప్ కిషన్, అనీషా అంబ్రోస్ జంట‌గా మిస్ట‌ర్ నూక‌య్య ఫేం అని క‌న్నెగంటి ద‌ర్శ‌క‌త్వంలో రూపొందిన చిత్రం ర‌న్. ఈ చిత్రాన్ని రామబ్రహ్మం సుంకర సమర్పణలో సుధాకర్ చెరుకూరి, కిషోర్ గరికపాటి, అనిల్ సుంకర సంయుక్తంగా నిర్మించారు. త‌మిళ్ లో ఘ‌న విజ‌యం సాధించిన నేర‌మ్ సినిమాకి రీమేక్ గా రూపొందిందిన ర‌న్ చిత్రాన్ని ఈనెల 23న రిలీజ్ చేస్తున్నారు.
ఈ సంద‌ర్భంగా ఏర్పాటు చేసిన మీడియా మీట్ లో నిర్మాత అనిల్ సుంకర మాట్లాడుతూ...ఈరోజు నుంచి ఆంధ్ర‌ప్ర‌దేశ్ - తెలంగాణ రాష్ట్రాల్లో ర‌న్ సినిమా సక్సెస్ కోసం టూర్ ప్లాన్ చేసాం. ఇది ఫీల్ గుడ్ థ్రిల్లింగ్ ఎంట‌ర్ టైన్మెంట్. అంద‌రికీ న‌చ్చుతుంది అన్నారు.
హీరో సందీప్ కిషన్ మాట్లాడుతూ..టైం పై సినిమా ఇది. మాకు గుడ్ టైమ్ రావాలంటే ఈ సినిమాని అంద‌రూ ఆద‌రించాలి. సక్సెస్ అయిన త‌ర్వాత అంద‌రూ సక్సెస్ టూర్ చేస్తారు. కానీ..మేము సక్సెస్ కోసం టూర్ చేస్తున్నాం అన్నారు.
డైరెక్ట‌ర్ క‌న్నెగంటి అని మాట్లాడుతూ...నిజంగానే ఇది డిఫ‌రెంట్ మూవీ. పోస్ట‌ర్స్ - ట్రైల‌ర్స్ ఇలా అన్నింటిలో కొత్త‌గా ఉండేలా ఈ సినిమా చేసాం. సందీప్ తో మంచి సినిమా చేసినందుకు సంతోషంగా ఉంది. బాబీ సింహా చేసిన పాత్ర‌కు ఎవ‌రూ సెట్ కాలేదు. అందుక‌ని అత‌నితోనే ఆ పాత్ర చేయించాం. ఆయ‌న ఈ సినిమాలో న‌టించేట‌ప్పుడు ఆయ‌న తెలుగువారే అని తెలిసి చాలా హ్యాఫీగా ఫీల‌య్యాం. ఈ సినిమాని బిగ్ హిట్ చేయాల‌ని కోరుతున్నాను అన్నారు.ఈ కార్య‌క్ర‌మంలో హీరోయిన్ అనీషా అంబ్రోస్, మ్యూజిక్ డైరెక్ట‌ర్ సాయి కార్తీక్ పాల్గొన్నారు.