பிரபல தமிழ், தெலுங்கு நடிகரின் வாழ்க்கை வரலாறு திரைப்படத்தில் இளம் நடிகர் சந்தீப் கிஷான் நடிக்க இருப்பதாக ஒரு செய்தி திரையுலகில் பரவிவருகிறது

தமிழ், தெலுங்கு படங்களில் நடித்து பிரபலமானவர் நடிகை உதய்கிரண். இவர் கடந்த 2014ஆம் ஆண்டு பொருளாதார சிக்கல் காரணமாக தற்கொலை செய்து கொண்டதாக கூறப்படுகிறது. இந்த நிலையில் இவரது வாழ்க்கை வரலாறு திரைப்படம் தமிழ், தெலுங்கு ஆகிய இரண்டு மொழிகளில் உருவாக இருப்பதாகவும் இந்த படத்தில் இளம் நடிகர் சந்தீப் கிஷான் நடிக்க இருப்பதாகவும் கூறப்படுகிறது

ஆனால் இந்த செய்தியை சந்தீப் கிஷான். மறுத்துள்ளார். உதய்கிரண் வாழ்க்கை வரலாறு படத்தில் நான் நடிப்பதாக வெளிவந்து கொண்டிருக்கும் செய்திகள் வதந்தி என்றும், எந்த ஒரு பிரபலத்தின் வாழ்க்கை வரலாறு படத்தில் நடிக்கும் எண்ணம் தனக்கு இல்லை என்றும், உதய்கிரண் வாழ்க்கை வரலாறு படத்தில் நடிக்க என்னை யாரும் அணுகவில்லை என்றும் அவர் கூறியுள்ளார். இதனை அடுத்து கடந்த சில நாட்களாக பரவி வந்த வதந்திக்கு முற்றுப்புள்ளி வைக்கப்பட்டதாக கருதப்படுகிறது

தமிழக முன்னாள் முதல்வர் கருணாநிதி கதை, வசனம் எழுதிய ‘பெண்சிங்கம்’ மற்றும் வம்புச்சண்டை, பொய், உள்பட ஒருசில திரைப்படங்களில் உதய்கிரண் நடித்துள்ளார் என்பது குறிப்பிடத்தக்கது