'சுந்தரி' இரண்டாவது சீசன் தொடங்குகிறதா? ஹீரோ இந்த பிரபலமா? மாஸ் திட்டமிடும் சன் டிவி..!
- IndiaGlitz, [Saturday,August 26 2023]
சன் டிவியில் ஒளிபரப்பாகி வரும் சீரியல்கள் அனைத்தும் மிகப்பெரிய வரவேற்பை பெரும் என்பதும் டிஆர்பி ரேட்டிங்களிலும் முன்னணியில் உள்ளது என்பதும் தெரிந்ததே.
அந்த வகையில் சன் டிவியில் ஒளிபரப்பாகி வரும் சீரியல்களில் ஒன்றான ’சுந்தரி’ பார்வையாளர்கள் மத்தியில் மிகப்பெரிய வரவேற்பு பெற்று வருகிறது. கடந்த 2021 ஆம் ஆண்டு தொடங்கிய இந்த சீரியல் தற்போது முடிவடையும் நிலையில் இருப்பதால் ’சுந்தரி’ சீரியலின் அடுத்த சீசனை ஆரம்பிக்க சன் டிவி திட்டமிட்டுள்ளதாகவும் அடுத்த சீசனில் ஹீரோவாக மாஸ் டிவி சீரியல் நடிகரை ஒப்பந்தம் செய்ய திட்டமிட்டு இருப்பதாகவும் கூறப்படுகிறது.
சுந்தரி கதாபாத்திரத்தில் நடித்த கேப்ரில்லா செலஸ் நடித்த நிலையில் இரண்டாம் பாகத்திலும் அவரே நாயகியாக நடிப்பார் என்றும் ஆனால் இரண்டாம் சீசனில் ஹீரோவாக கிருஷ்ணா நடிக்க இருப்பதாக கூறப்படுகிறது. இவர் ஏற்கனவே ’தெய்வத்திருமகள்’ ’தாலாட்டு’ போன்ற சீரியலில் நடித்து பிரபலமானவர் என்பது குறிப்பிடத்தக்கது. தொடர்ந்து மற்ற நடிகர்கள் தேர்வு செய்யும் பணி நடைபெற்று வருவதாகவும் விரைவில் ’சுந்தரி’ சீசன் 2 குறித்து அறிவிப்பு வெளியாகும் என்றும் கூறப்படுகிறது.
’சுந்தரி’ சீரியல் இந்த வாரம் அல்லது அடுத்த வாரம் முடிவடையும் என்று எதிர்பார்க்கப்படும் நிலையில் அடுத்த சீசனையும் சூட்டோடு சூடாக ஆரம்பிக்க சன் டிவி மாஸ் திட்டமிட்டுள்ளதாகவும் கூறப்படுகிறது. மேலும் ’சுந்தரி’ முதல் சீசனை இயக்கிய அழகர் தான் இரண்டாம் சீசனையும் இயக்குவார் என்று எதிர்பார்க்கப்படுகிறது.