மீண்டும் சுந்தர் சியுடன் இணையும் ஹிப்ஹாப் தமிழா ஆதி
- IndiaGlitz, [Wednesday,October 31 2018]
இசையமைப்பாளர் ஹிப்ஹாப் தமிழா ஆதி, கடந்த ஆண்டு 'மீசையை முறுக்கு' என்ற படத்தை இயக்கி நாயகனாகவும் நடித்தார். சுந்தர் சி தயாரித்த இந்த படம் நல்ல வரவேற்பை பெற்றது.
இந்த நிலையில் ஆதி நடிக்கவுள்ள அடுத்த படத்தையும் சுந்தர் சி தனது அவ்னி மூவீஸ் நிறுவனத்தின் மூலம் தயாரிக்கவுள்ளார். இந்த தகவலை சுந்தர் சியின் மனைவியும் நடிகையுமான குஷ்பு தனது சமூக வலைத்தள பக்கத்தில் உறுதி செய்துள்ளார். இந்த படத்தின் டைட்டிலுடன் கூடிய ஃபர்ஸ்ட்லுக் வரும் நவம்பர் 4ஆம் தேதி 12 மணிக்கு வெளியாகவுள்ளதாக அறிவிக்கப்பட்டுள்ளது.
இந்த நிலையில் சுந்தர் சி தற்போது சிம்பு நடித்து வரும் படத்தை இயக்கி வருகிறார் என்பதும் இந்த படத்தின் படப்பிடிப்பு இறுதிக்கட்டத்தை நோக்கி விரைவாக சென்று கொண்டிருக்கின்றது என்பதும் குறிப்பிடத்தக்கது.