சுந்தர் சி உடன் ஒரே ஒரு தமிழ்ப்படம்.. கொடிய நோயால் உயிரிழந்த நடிகைக்கு அஞ்சலி..!
- IndiaGlitz, [Tuesday,May 07 2024]
சுந்தர் சி உடன் ஒரே ஒரு தமிழ் படத்தில் நடித்த நடிகை மலையாளத்தில் ஏராளமான படங்கள் நடித்துள்ள நிலையில் அவர் கொடூரமான நோயால் தாக்கப்பட்டு உயிரிழந்த சம்பவம் திரை உலகினர் மத்தியில் பெரும் அதிர்ச்சியை ஏற்படுத்தியுள்ளது.
சுந்தர் சி நடித்த ’இருட்டு’ என்ற திரைப்படத்தில் முக்கிய கேரக்டரில் அடுத்தவர் நடிகை கனகலதா. அந்த ஒரு தமிழ் படத்தை தவிர அவர் ஏராளமான மலையாள படங்களில் நடித்துள்ளார் என்பதும் கடந்த சில மாதங்களாக அவர் பார்க்கின்சன் என்ற நோயால் பாதிக்கப்பட்டு சிகிச்சை பெற்று வந்ததாக தெரிகிறது.
ஒரு கட்டத்தில் சிகிச்சை பெற பணம் இல்லாத நிலையில் கேரள திரைப்பட சங்கம் அவருக்கு உதவி செய்தது என்பதும் அதன் மூலம் தொடர்ந்து சிகிச்சை பெற்று வந்ததாகவும் கூறப்படுகிறது. இந்த நிலையில் நோய் முற்றிய நிலையில் சிகிச்சையின் பலன் இன்றி இன்று அவர் காலமானார். அவருக்கு வயது 63.
கனகலதாவின் மறைவு மலையாளத் திரை உலகினர் மத்தியில் பெரும் சோகத்தை ஏற்படுத்திய நிலையில் அவருக்கு நேரில் அஞ்சலி செலுத்தி வருகின்றனர். சுமார் 40 ஆண்டுக்கு மேலாக திரையுலகில் அவர் நடித்துள்ள நிலையில் அவரது மறைவு மலையாள திரையுலகிற்கு பெரும் இழப்பாக கருதப்படுகிறது.