ஜூனில் வெளியாகிறது சுந்தர் சியின் அடுத்த படம்
- IndiaGlitz, [Sunday,April 14 2019]
கடந்த சில ஆண்டுகளாக திரைப்படங்களில் நடிப்பதை கைவிட்டு மீண்டும் இயக்கத்தில் தீவிர கவனம் செலுத்தி வரும் சுந்தர் சி, தற்போது விஷால் நடித்து வரும் படம் ஒன்றை இயக்கி வருகிறார். இந்த படத்தின் படப்பிடிப்பு விறுவிறுப்பாக துருக்கியில் நடைபெற்று வருகிறது.
இந்த நிலையில் நீண்ட இடைவெளிக்கு பின் சுந்தர் சி நடித்து வரும் திரைப்படம் 'இருட்டு'. அஜித் நடித்த 'முகவரி', விக்ரம் நடித்த 'காதல் சடுகுடு', 'சிம்பு நடித்த 'தொட்டி ஜெயா' போன்ற படங்களை இயக்கிய துரை இந்த படத்தை இயக்கியுள்ளார். இந்த படம் வரும் ஜூன் மாதம் வெளியாகவிருப்பதாக சற்றுமுன் வித்தியாசமான போஸ்டர் ஒன்றின் மூலம் அறிவிக்கப்பட்டுள்ளது.
சுந்தர் சி, தன்ஷிகா, விமலா ராமன், விடிவி கணேஷ், யோகிபாபு உள்பட பலர் நடித்துள்ள இந்த படத்திற்கு ஸ்ரீகாந்த் தேவா இசையமைத்துள்ளார். 'இரும்புத்திரை பிஎஸ் மித்ரன் திரைக்கதை எழுதியுள்ள இந்த படத்திற்கு எழுத்தாளர் ஜெயமோகன் வசனம் எழுதியுள்ளார். ஆர்டி ராஜசேகர் ஒளிப்பதிவில் சுரேஷ் அர்ஸ் படத்தொகுப்பில் உருவாகி வரும் இந்த படத்தை கலைப்புலி எஸ்.தாணு தயாரித்து வருகிறார்.