சுந்தர் சி மற்றும் ஜெய் நடிப்பில் உருவாகியிருக்கும் ‘பட்டாம்பூச்சி’ திரைப்படம் வரும் 24ஆம் தேதி திரையரங்குகளில் பிரம்மாண்டமாக வெளியாகவிருக்கும் நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது. இந்த நிலையில் சற்று முன் இந்த படத்தில் இடம்பெற்ற ‘ஜெயில்’ குத்துப்பாட்டு வெளியாகி இணையதளங்களில் வைரலாகி வருகிறது

‘பட்டாம்பூச்சி’ படத்தில் ஆக்ரோஷமான வில்லனாக நடித்துள்ள நடிகர் ஜெய் தான் இந்த படத்தின் இசையமைப்பாளர் என்பதும் அவரது கம்போஸிங்கில் உருவான ‘ஜெயில்’ என்ற குத்துபாடலை தேனிசைத் தென்றல் தேவா பாடியுள்ளார் என்பதும் குறிப்பிடத்தக்கது. நீண்ட இடைவெளிக்கு பின்னர் தேவா குரலை ஒரு குத்துப் பாட்டின் மூலம் கேட்பதில் இசை ரசிகர்களுக்கு மிகுந்த சந்தோஷம் என்றும் கமெண்ட்ஸ் பதிவாகி வருகின்றன. இந்த பாடல் தற்போது இணையதளங்களில் வைரலாகி வருகிறது

பத்ரி இயக்கத்தில் சுந்தர் சி , ஜெய், ஹனி ரோஸ், இமான் அண்ணாச்சி, பேபி மானஸ்வி மற்றும் பலர் நடித்துள்ள ‘பட்டாம்பூச்சி’ படத்திற்கு கிருஷ்ணசுவாமி ஒளிப்பதிவும், பென்னிஆலிவர் படத்தொகுப்பு பணியும் செய்துள்ளனர். சமீபத்தில் வெளியான இப்படத்தின் ஃபர்ஸ்ட் லுக் மற்றும் மோஷன் போஸ்டர் மிகப்பெரிய வரவேற்பை பெற்றது. இந்த படத்தில் இடம்பெற்ற ‘வேட்டைகள் ஆரம்பம்’ என்ற சிங்கிள் பாடலும் ரிலீஸாகி நல்ல வரவேற்பை பெற்றது போல் ‘ஜெயில்’ குத்துப்பாட்டும் நல்ல வரவேற்பை பெறும் என்று எதிர்பார்க்கப்படுகிறது.