சன் டிவியில் கடந்த சில மாதங்களாக ஒளிபரப்பான ’டாப் குக்கு டூப் குக்கு’ நிகழ்ச்சி இன்று முடிவடைந்த நிலையில், இன்றைய நிகழ்ச்சியில் டைட்டில் வின்னர் யார், இரண்டாம் இடம், மூன்றாம் இடம் பிடித்தவர்கள் யார் என்ற தகவல்கள் வெளியாகியுள்ளன.

சன் டிவியில் ’டாப் குக்கு டூப் குக்கு’ நிகழ்ச்சி கடந்த மே மாதம் தொடங்கி இன்று முடிவடைந்த நிலையில், இந்த நிகழ்ச்சியின் டைட்டில் வின்னராக நரேந்திர பிரசாத் மற்றும் சுஜாதா ஆகிய இருவரும் தேர்வு செய்யப்பட்டுள்ளனர். முதல் சீசனில் இருவர் டைட்டில் வின்னராக தேர்வு செய்யப்பட்டுள்ளது பார்வையாளர்களுக்கு ஆச்சரியத்தை ஏற்படுத்தியுள்ளது. மேலும், இந்த சீசனின் இரண்டாவது இடத்தை பெப்சி விஜயன் மற்றும் மூன்றாவது இடத்தை நடிகை கயல் சைத்ரா பெற்றுள்ளனர்.

ஆரம்ப முதலிலேயே கலகலப்பாக நடந்த ’டாப் குக்கு டூப் குக்கு’ நிகழ்ச்சியில் பெப்சி விஜயன், சாய் தீனா, சோனியா அகர்வால், சுஜாதா சிவக்குமார், சிங்கம் புலி, ஐஸ்வர்யா தத்தா, ஷாலினி நிவாஸ், நரேந்திர பிரசாத், சைத்ரா ரெட்டி, சுபாஷ் குக்குகளாகவும், கலந்து கொண்டனர், மேலும் டூப்களாக ஜீவா, அதிர்ச்சி அருண், பாரத், தீனா, மோனிஷா, ஜிபி முத்து, விஜய் முகுந்த், சௌந்தர்யா, கதிர் உள்ளிட்டோர் கலந்து கொண்டனர்.

இந்த நிகழ்ச்சியின் நடுவராக வெங்கடேஷ் பட் இருந்த நிலையில், அவர் ஜாலியாக இந்த நிகழ்ச்சியை நடத்தினார். இதனால் நிகழ்ச்சி விறுவிறுப்பாக நடந்தது என்பதும் குறிப்பிடத்தக்கது.

இந்த நிலையில், இந்த நிகழ்ச்சியின் டைட்டில் வின்னரான நரேந்திர பிரசாத் மற்றும் சுஜாதா இருவருக்கும் 20 லட்சம் ரூபாய் பரிசு வழங்கப்பட்டுள்ளது. இது குறித்து புகைப்படங்கள் இணையத்தில் வைரல் ஆகி வருகின்றன.