டிஆர்பியில் நம்பர் 1 இடத்தில் இருக்கும் 'சிங்கப்பெண்ணே' சீரியல்.. திடீரென நேரம் மாற்றம்..!
- IndiaGlitz, [Tuesday,June 04 2024]
சன் டிவியில் ஒளிபரப்பாகி வரும் ‘சிங்கப்பெண்ணே’ என்ற சீரியல் டிஆர்பியில் நம்பர் ஒன் இடத்தில் இருக்கும் நிலையில் இந்த சீரியலின் நேரம் மாற்றப்பட்டுள்ளதாக தகவல் வெளியாகி உள்ளன
சன் டிவியில் ஒளிபரப்பாகி வரும் ‘சிங்கப்பெண்ணே’ சீரியல் கடந்த ஆண்டு அக்டோபர் மாதம் தான் தொடங்கப்பட்டது என்பதும் தொடங்கிய சில மாதத்திலேயே இந்த சீரியல் டிஆர்பியில் நம்பர் ஒன் இடத்தை பிடித்து விட்டது என்பது குறிப்பிடத்தக்கது
இந்த நிலையில் இதுவரை 8 மணிக்கு ‘சிங்கப்பெண்ணே’ சீரியல் ஒளிபரப்பாகி வந்த நிலையில் தற்போது இந்த சீரியல் ஜூன் 10ஆம் தேதி முதல் இரவு 9 மணிக்கு ஒளிபரப்பாகும் என்று அறிவிக்கப்பட்டுள்ளது.
இதுவரை இரவு 9 மணிக்கு ஒளிபரப்பான ’எதிர்நீச்சல்’ சீரியல் முடிவடைவதை அடுத்து ‘சிங்கப்பெண்ணே’ சீரியல் நேரம் மாற்றப்பட்டுள்ளதாக கூறப்படுகிறது. மேலும் இரவு 8 மணிக்கு ‘சிங்கப்பெண்ணே’ சீரியல் ஒளிபரப்பான நேரத்தில் ’மருமகள்’ என்ற புதிய சீரியல் ஒளிபரப்பாக இருப்பதாகவும் கூறப்படுகிறது. இந்த சீரியலில் பிக் பாஸ் போட்டியாளர் கேப்ரில்லா முக்கிய வேடத்தில் நடிக்க உள்ளார்.