தமிழ் தொலைக்காட்சிகளை பொருத்தவரை சன் டிவி, விஜய் டிவி, ஜீ தமிழ் ஆகியவற்றில் சீரியல்கள் ஒளிபரப்பாகி வரும் நிலையில், சன் டிவி மற்றும் விஜய் டிவிக்கு இடையே தான் கடும் போட்டி டிஆர்பியில் நிலவி வருகிறது என்பதை கடந்த சில வாரங்களாக பார்த்து வருகிறோம்.

அந்த வகையில், ஒவ்வொரு வாரமும் வியாழக்கிழமை டிஆர்பி ரேட்டிங் குறித்த தகவல்கள் வரும் நிலையில், இந்த வாரமும் முதல் ஆறு இடங்களை சன் டிவி தான் பிடித்து முன்னணியில் உள்ளது என்பது குறிப்பிடத்தக்கது.

சன் டிவியின் சீரியல் ஆன ’கயல்’ வழக்கம் போல் இந்த வாரமும் முதல் இடத்தை பெற்றுள்ளது. இரண்டாவது இடத்தில் ’மூன்று முடிச்சு’ சீரியல், மூன்றாவது இடத்தில் ’சிங்கப்பெண்ணே’, நான்காவது இடத்தில் ’மருமகள்’, ஐந்தாவது இடத்தில் ’சுந்தரி’ மற்றும் ஆறாவது இடத்தில் ’ராமாயணம்’ உள்ளது. முதல் ஆறு இடங்களில் சன் டிவி தான் இடம் பெற்றுள்ளது என்பது குறிப்பிடத்தக்கது.

கடந்த சில வாரங்களுக்கு முன்பு முதல் இடத்தில் இருந்த ’சிறகடிக்க ஆசை’ சமீபகாலமாக பின்னடைவை சந்தித்து வரும் நிலையில், இந்த வாரமும் கடந்த வாரம் போலவே 7வது இடத்தை பிடித்துள்ளது. 8வது இடத்தில் மீண்டும் சன் டிவியின் ’மல்லி’ தொடர், 9வது இடத்தில் விஜய் டிவியின் ’பாண்டியன் ஸ்டோர்ஸ், 2’ மற்றும் 10வது இடத்தில் விஜய் டிவியின் ’சின்ன மருமகள்’ ஆகியவை இடம்பெற்றுள்ளன என்பது குறிப்பிடத்தக்கது.