சன் டிவி, விஜய் டிவி, ஜீ டிவி ஆகிய சாட்டிலைட் டிவிகளில் தொலைக்காட்சி தொடர்கள் பரபரப்பாக ஒளிபரப்பாகி வரும் நிலையில், சன் டிவி தான் எப்போதும் முதலிடத்தில் உள்ளது என்பதும், சில நேரங்களில் மட்டும் விஜய் டிவியின் தொடர்கள் டிஆர்பியில் முன்னணி இடத்தை பிடித்து வருகிறது என்பதையும் பார்த்து வருகிறோம்.

அந்த வகையில், இந்த வாரமும் டிஆர்பி ரேட்டிங்கில் முதல் ஆறு இடங்களை சன் டிவி தொடர்கள் தான் பிடித்துள்ளது என்பது குறிப்பிடத்தக்கது. வழக்கம்போல், முதல் இடத்தை சன் டிவியின் "கயல்" தொடர் கைப்பற்றி உள்ளது. ரசிகர்கள் மத்தியில் நல்ல வரவேற்பு பெற்று வரும் வகையில் இந்த தொடர் விறுவிறுப்பாக சென்று கொண்டிருக்கிறது.

இரண்டாவது இடத்தை சன் டிவியில் கடந்த சில மாதங்களுக்கு முன் தொடங்கப்பட்ட "மூன்று முடிச்சு" தொடர் கைப்பற்றி உள்ளது. வீட்டை விட்டு வெளியே அனுப்ப நினைக்கும் மாமியாரை நந்தினி எப்படி சமாளிக்கிறார் என்ற கேள்வியுடன் இந்த தொடர் நகர்ந்து வருகிறது. இதனை அடுத்து, மூன்றாவது இடத்தில் "சிங்க பெண்ணே" சீரியல் இடம் பிடித்துள்ளது. இந்த தொடரும் சில மாதங்களுக்கு முன் சன் டிவியில் தொடங்கிய நிலையில் மூன்றாவது இடத்திற்கு வந்துவிட்டது.

டிஆர்பி ரேட்டிங்கில் நான்காவது இடத்தில் "மருமகள்" சீரியல் உள்ளது. ஐந்தாவது இடத்தில் "சுந்தரி" தொடர் உள்ளது என்பது குறிப்பிடத்தக்கது. முதல் ஐந்து இடங்களை சன் டிவி தொடர்கள் கைப்பேற்றிய நிலையில், ஆறாவது இடத்தில் சன் டிவியில் ஒளிபரப்பாகி வரும் "ராமாயணம்" இடம்பெற்றுள்ளது.

கடந்த சில மாதங்களுக்கு முன்பு வரை முதல் ஐந்து இடத்திற்குள் மாறி மாறி வந்து கொண்டிருந்த "சிறகடிக்க ஆசை" தொடர், கடந்த சில வாரங்களாக சொதப்பலாக சென்று கொண்டிருப்பதாக விமர்சனம் வெளியாகி வருவதால், இந்த தொடர் ஏழாவது இடத்தையே பிடித்துள்ளது என்பது குறிப்பிடத்தக்கது. எனினும், தற்போது தான் சத்யா குறித்த உண்மை விஜயாவுக்கு தெரியவந்துள்ளதால், அடுத்தடுத்த வாரங்களில் டிஆர்பி ரேட்டிங் அதிகரிக்கும் என்று எதிர்பார்க்கப்படுகிறது.

அதைப் போல் விஜய் டிவியில் ஒளிபரப்பாகி வரும் "பாண்டியன் ஸ்டோர்ஸ் 2" சீரியல் எட்டாவது இடத்தில் உள்ளது. ஒன்பதாவது இடத்தில் ஜீ தமிழ் தொலைக்காட்சியில் ஒளிபரப்பாகி வரும் "கார்த்திகை தீபம்" தொடர் உள்ளது. பத்தாவது இடத்தில் விஜய் டிவியின் "பாக்கியலட்சுமி" தொடர் இடம் பெற்றுள்ளது. இந்த தொடர் விரைவில் முடிவுக்கு வரும் என கூறப்பட்டு வருகிறது.