சன் டிவியில் கடந்த சில வாரங்களுக்கு முன்னர் தொடங்கப்பட்ட சீரியல் இந்த வார டிஆர்பியில் நான்காவது இடத்தை பிடித்து அனைவரையும் ஆச்சரியத்தை ஏற்படுத்தியுள்ளது.

டிஆர்பி ரேட்டிங்கில் முதல் ஐந்து இடங்களில் ஒரு ஆண்டுக்கும் அதிகமாக ஒளிபரப்பாகி வரும் சீரியல்கள் மட்டுமே இடம்பெற்று வரும் நிலையில் ’மூன்று முடிச்சு’ சீரியல் முதல் 5 இடங்களில் தொடங்கிய சில வாரங்களிலேயே இடம்பிடித்து உள்ளதாக தகவல் வெளியாகி உள்ளன.

ஒவ்வொரு வாரமும் வியாழக்கிழமை டிஆர்பி ரேட்டிங் குறித்த தகவல் வெளியாகி வரும் நிலையில் இந்த வாரமும் வழக்கம் போல் சன் டிவியில் ஒளிபரப்பாகி வரும் ’கயல்’ தொடர் முதல் இடத்தை பிடித்துள்ளது.

அதேபோல் சன் டிவியில் ஒளிபரப்பாகும் இன்னொரு தொடரான ’சிங்கப்பெண்ணே’ இரண்டாவது இடத்தை பிடித்துள்ளது.

விஜய் டிவியில் ஒளிபரப்பாகி பலரது ஆதரவை பெற்று வரும் ’சிறகடிக்க ஆசை’ இந்த வாரம் மூன்றாவது இடத்தை பிடித்துள்ளது.

இந்த ஒரு சில வாரங்களுக்கு முன் தொடங்கப்பட்ட ’மூன்று முடிச்சு’ என்ற தொடர் இந்த வாரம் நான்காவது இடத்தில் உள்ளது.

மேலும் சன் டிவியில் ஒளிபரப்பாகி வரும் ’மருமகள்’ சீரியல் இந்த வாரம் ஐந்தாவது இடத்தை பிடித்துள்ளது.

முதல் ஐந்து இடங்களில் ’சிறக்கடிக்க ஆசை’ மட்டுமே விஜய் டிவி சீரியல் என்பதும் மற்ற நான்கு சீரியல்களும் சன் டிவி சீரியல்கள் என்பதும் குறிப்பிடத்தக்கது.