’வானத்தைப்போல’ என்ற சீரியல் இந்த வாரம் முடிவடைய இருக்கும் நிலையில் அதற்கு பதிலாக ’ஈரமான ரோஜாவே’ சீரியலில் நடித்த நாயகி நடிக்கும் புதிய தொடர் சன் டிவியில் ஒளிபரப்பாக இருப்பதாக தகவல் வெளியாகியுள்ளது.

அண்ணன் தங்கை பாசத்தை மையமாக வைத்து சென்று கொண்டிருந்த ‘வானத்தை போல’ என்ற சீரியல் இந்த வாரம் முடிவடைய இருப்பதாக கூறப்படும் நிலையில், இந்த சீரியலுக்கு பதிலாக ’ஈரமான ரோஜாவே’ தொடர் நாயகி சுவாதியின் புதிய சீரியல் சன் டிவீயில் ஒளிபரப்பாக இருப்பதாக தகவல் வெளியாகியுள்ளது.

’ஈரமான ரோஜாவே 2’ சீரியலில், நடிகை சுவாதி முக்கிய கேரக்டரில் நடித்திருந்த நிலையில் இந்த சீரியலுக்கு என ரசிகர்கள் பட்டாளம் இருந்தது. ஆனால் இந்த சீரியல் முடிவடைந்த நிலையில் இதுவரை வேறு சீரியலில் கமிட்டாகாமல் இருந்த சுவாதி தற்போது சன் டிவியில் ஒளிபரப்பாக இருக்கும் ’மூன்று முடிச்சு’ தொடரில் நாயகியாக நடிக்கிறார்.

இந்த தொடரில் சுவாதிக்கு ஜோடியாக நடிகர் நியாஸ் நடிக்க இருப்பதாகவும் இவர் ஏற்கனவே ’புதுப்புது அர்த்தங்கள்’ ’மந்திரப்புன்னகை’ உள்ளிட்ட சீரியல்களில் நடித்தவர் என்று குறிப்பிடத்தக்கது. ’வானத்தைப்போல’ தொடர் இந்த வாரம் முடிவடைவதால் இந்த தொடர் ஒளிபரப்பான அதே இரவு 8:30 மணிக்கு சன் டிவியில் ’மூன்று முடிச்சு’ தொடர் ஒளிபரப்பாகும் என அறிவிக்கப்பட்டுள்ளது.