தளபதி விஜய் நடிக்கும் ஒவ்வொரு படமும் அந்த படத்தின் படப்பிடிப்பு முடியும் முன்னரே கிட்டத்தட்ட அனைத்து வித வியாபாரமும் முடிந்துவிடும் என்பது வழக்கமான ஒன்றாகும். இந்த நிலையில் ’தளபதி 64’படத்தின் முதல்கட்ட படப்பிடிப்பு சென்னையிலும், இரண்டாம் கட்ட படப்பிடிப்பில் டெல்லியிலும் நடந்து முடிந்துள்ள நிலையில் இந்த படத்தின் முதல்கட்ட வியாபாரம் தற்போது முடிவுக்கு வந்துள்ளது

’தளபதி 64’படத்தின் சாட்டிலைட் உரிமையை பெற முன்னணி டிவி நிறுவனங்கள் போட்டி போட்ட நிலையில், தற்போது இந்த படத்தின் சாட்டிலைட் உரிமையை சன்டிவி மிகப்பெரிய தொகை ஒன்றுக்கு கைப்பற்றியுள்ளது

இதுகுறித்த அதிகாரபூர்வ தகவலை சன் நிறுவனம் தங்களது சமூக வலைதளப் பக்கத்தில் அறிவித்துள்ளது. இதனை அடுத்து ’தளபதி 64’ படத்தின் மற்ற வியாபாரங்களும் விரைவில் தொடங்கும் என எதிர்பார்க்கப்படுகிறது

’தளபதி 64’படத்தின் டெல்லி படப்பிடிப்பு சமீபத்தில் முடிந்த நிலையில் அடுத்தகட்ட படப்பிடிப்பு டிசம்பர் முதல் வாரம் கர்நாடகாவில் நடைபெற இருப்பதாக தகவல்கள் வெளிவந்துள்ளன. இந்த படப்பிடிப்பில் விஜய்யுடன் விஜய்சேதுபதி, அந்தோணி வாழ்க்கைச் உள்பட படக்குழுவினர் பலர் கலந்துகொள்வார்கள் என எதிர்பார்க்கப்படுகிறது

விஜய், மாளவிகா மேனன், விஜய்சேதுபதி, ஆண்ட்ரியா, சாந்தனு, ஆண்டனி வர்கீஸ், சஞ்சீவ், ஸ்ரீமான், ரம்யா, கெளரி கிஷான் உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். சத்யன் சூரியன் ஒளிப்பதிவில், பிலோமினா ராஜ் படத்தொகுப்பில் உருவாகி வரும் இந்த படத்தை விஜய்யின் உறவினர் சேவியர் பிரிட்டோ தயாரித்து வருகிறார். இந்த படம் வரும் ஏப்ரல் மாதம் வெளியாகவுள்ளது

Sun TV has acquired the satellite rights of @actorVijay’s #Thalapathy64

#Thalapathy64withSunTV@actorvijay pic.twitter.com/PtSkxAS0qL

— Sun TV (@SunTV) November 29, 2019