'தளபதி 62' படத்தின் தயாரிப்பு நிறுவனம் அறிவிப்பு
- IndiaGlitz, [Tuesday,December 05 2017]
தளபதி விஜய் நடித்த 'மெர்சல்' திரைப்படம் சூப்பர் ஹிட் ஆகிய நிலையில் விஜய்யின் அடுத்த படமான 'தளபதி 62; படத்தின் படப்பிடிப்பு வரும் ஜனவரி முதல் தொடங்கவுள்ளதாக வெளிவந்த செய்தியினை ஏற்கனவே பார்த்தோம்
இந்த நிலையில் இந்த படத்தை தயாரிக்கவிருக்கும் நிறுவனம் குறித்த அறிவிப்பு வெளிவந்துள்ளது. இந்த படத்தை சன் பிக்சர்ஸ் நிறுவனம் பிரமாண்டமாக தயாரிக்கவுள்ளதாக அறிவிக்கப்பட்டுள்ளது.
கடந்த 2010ஆம் ஆண்டு சூப்பர் ஸ்டார் ரஜினிகாந்த் நடித்த 'எந்திரன்' படத்தை தயாரித்த பின்னர் இந்த நிறுவனம் தயாரிக்கவிருக்கும் அடுத்த படம் இதுதான் என்பது குறிப்பிடத்தக்கது.
ஏ.ஆர்.முருகதாஸ் இயக்கவுள்ள இந்த படத்திற்கு ஸ்ரீகர் பிரசாத் எடிட்டராகவும், கிரிஷ் கங்காதரன் ஒளிப்பதிவாளராகவும் பணிபுரியவுள்ளனர். இந்த படத்திற்கு ஏ.ஆர்.ரஹ்மான் இசையமைப்பார் என்று எதிர்பார்க்கப்படுகிறது