விஜய்சேதுபதியின் அடுத்த படத்தை தயாரிக்கும் ரஜினி-விஜய் தயாரிப்பு நிறுவனம்!
- IndiaGlitz, [Tuesday,December 31 2019]
விஜய் சேதுபதி தற்போது விஜய் நடித்து வரும் ’தளபதி 64’ உள்பட சுமார் பத்து படங்களில் நடித்து வருகிறார். இந்த நிலையில் விஜய்சேதுபதி நடிக்கும் அடுத்த படத்தை சன் பிக்சர்ஸ் நிறுவனம் தயாரிக்க வாய்ப்பு இருப்பதாக செய்திகள் வெளியாகியுள்ளது.
சன் பிக்சர்ஸ் நிறுவனம் தற்போது சூப்பர் ஸ்டார் ரஜினிகாந்த் நடித்து வரும் ’தலைவர் 168’ என்ற படத்தை தயாரித்து வருகிறது. சிறுத்தை சிவா இயக்கத்தில் உருவாகி வரும் இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
இதனை அடுத்து தனுஷ் நடிக்கவிருக்கும் 44வது படத்தையும் சன் பிக்சர்ஸ் தயாரிக்க இருப்பதாக சமீபத்தில் அறிவிப்பு வெளிவந்தது என்பது தெரிந்ததே. இந்த படத்தின் படப்பிடிப்பும் விரைவில் தொடங்கப்படும் என்றும் இந்த படத்தை தனுஷே இயக்குகிறார் என்றும் செய்திகள் வெளிவந்துள்ளது.
இந்த நிலையில் தற்போது விஜய்சேதுபதி நடிக்கும் அடுத்த படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படத்தை இயக்குனர் பொன்ராம் இயக்க இருப்பதாகவும் செய்திகள் வெளிவந்துள்ளது. முழுக்க முழுக்க கிராமத்து கதையம்சம் கொண்ட இந்தப் படம் காமெடியுடன் கூடிய ரொமான்ஸ் படமாக இருக்கும் என்று கூறப்படுகிறது. இந்த படம் குறித்த அறிவிப்பு விரைவில் வெளிவரும் என்று தெரிகிறது.