தளபதி விஜய் நடிப்பில் லோகேஷ் கனகராஜ் இயக்கத்தில் உருவாகி வரும் ’தளபதி 64’ படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் படப்பிடிப்பு ஜனவரி இறுதியில் அல்லது பிப்ரவரியில் முடிந்து விடும் என்று எதிர்பார்க்கப்படுகிறது.

இந்த நிலையில் ’தளபதி 65’ படம் குறித்த தகவல்கள் அவ்வப்போது சமூக வலைதளங்களிலும் ஒருசில ஊடகங்களில் வெளிவந்து கொண்டிருக்கின்றது. ’தளபதி 65’ படத்தை ஏ ஆர் முருகதாஸ், அட்லி, வெற்றிமாறன், பேரரசு உள்பட ஒரு சில இயக்குனர்கள் இயக்குவார்கள் என்று கூறப்பட்டு வருகிறது. இதில் வெற்றிமாறனின் அடுத்த படம் குறித்த அறிவிப்பு வெளிவந்துவிட்டதால் அவர் அந்தப் பட்டியலில் இருந்து இப்போதைக்கு நீக்கப்படுகிறார். இதனை அடுத்து இன்னும் ஒரு சில வாரங்களில் ’தளபதி 65’ படத்தின் இயக்குநர் உறுதி செய்யப்படுவார் என்று கூறப்படுகிறது

இந்த நிலையில் சன் பிக்சர்ஸ் நிறுவனம் தான் ’தளபதி 65’ படத்தை தயாரிக்க அதிக வாய்ப்பு இருப்பதாக கூறப்படுகிறது. ஏற்கனவே சன் பிக்சர்ஸ் நிறுவனம் தற்போது ’தலைவர் 168’ படத்தை தயாரித்து வரும் நிலையில் ’தளபதி 65’ படத்தையும் இந்நிறுவனமே தயாரிக்கும் என்று கோலிவுட் வட்டாரம் கூறுகின்றன

சன் பிக்சர்ஸ் நிறுவனம் ஏற்கனவே விஜய் நடித்த சுறா மற்றும் சர்கார் ஆகிய படங்களை தயாரித்துள்ளது என்பதும் விஜய் நடித்த வேட்டைக்காரன் படத்தை ரிலீஸ் செய்து உள்ளது என்பதும் தெரிந்ததே