'அண்ணாத்த' நடிகருக்கு பிறந்த நாள் வாழ்த்து கூறிய 'சன்பிக்சர்ஸ்'
- IndiaGlitz, [Thursday,August 27 2020]
தமிழ் சினிமாவின் முன்னணி காமெடி நடிகர்களில் ஒருவரான நடிகர் சூரி இன்று தனது பிறந்தநாளை கொண்டாடி வருகிறார். கொரோனா வைரஸ் ஊரடங்கு காரணமாக கடந்த சில மாதங்களாக படப்பிடிப்பு நிறுத்தப்பட்டுள்ளதால், சொந்த ஊரில் இருக்கும் நடிகர் சூரி இன்று தனது குடும்பத்தினருடன் பிறந்தநாளை உற்சாகமாக கொண்டாடினார்.
இன்று பிறந்த நாள் கொண்டாடும் நடிகர் சூரிக்கு திரையுலக பிரபலங்கள் மற்றும் நண்பர்கள் வாழ்த்துக்களை தெரிவித்து வருகின்றனர். அந்த வகையில் சன் பிக்சர்ஸ் தற்போது தயாரித்துக் கொண்டிருக்கும் ’அண்ணாத்த’ திரைப்படத்தில் சூப்பர் ஸ்டார் ரஜினியுடன் நடித்து கொண்டிருப்பவர் சூரி. இதனையடுத்து சன் பிக்சர்ஸ் நிறுவனம் தனது சமூக வலைத்தளத்தில் நடிகர் சூரிக்கு பிறந்தநாள் வாழ்த்துக்களை தெரிவித்துள்ளது.
சன்பிக்சர்ஸ் மட்டுமின்றி ’அண்ணாத்த’ படக்குழுவினர்களும் நடிகர் சூரிக்கு தங்களது பிறந்தநாள் வாழ்த்துக்களை தொலைபேசி மூலமும், சமூக வலைத்தளங்கள் மூலமும் தெரிவித்துக் கொண்டிருக்கின்றனர் என்பது குறிப்பிடத்தக்கது
Team #Annaatthe wishes the entertainer @sooriofficial a happy birthday!#HBDSoori pic.twitter.com/UciRoexZ7N
— Sun Pictures (@sunpictures) August 27, 2020