சூர்யாவின் அடுத்த படத்தின் சூப்பர் அப்டேட் தந்த சன் பிக்சர்ஸ்!
- IndiaGlitz, [Sunday,January 24 2021]
சூர்யாவின் ’சூரரைப்போற்று’ திரைப்படம் கடந்த சில மாதங்களுக்கு முன்னர் ஓடிடியில் வெளியாகி மிகப்பெரிய வெற்றி பெற்றதை அடுத்து அவருடைய அடுத்த படத்தை சன் பிக்சர்ஸ் நிறுவனம் தயாரிக்க இருப்பதாகவும் இந்த படம் சூர்யாவின் 40வது படம் என்றும் இந்த படத்தை இயக்குனர் பாண்டிராஜ் இயக்க உள்ளதாகவும் அறிவிக்கப்பட்டது
இந்த படத்தின் ஆரம்பகட்ட பணிகள் கடந்த சில மாதங்களாக நடைபெற்று வரும் நிலையில் அடுத்த மாதம் இந்த படத்தின் படப்பிடிப்பு தொடங்கும் என்று எதிர்பார்க்கப்படுகிறது. மேலும் சூர்யாவுடன் நடிக்கும் நடிகர் நடிகைகள் குறித்த தேர்வும் நடைபெற்று வருவதாகவும் இது குறித்த அதிகாரப்பூர்வமான அறிவிப்பு விரைவில் வெளியாகும் என்றும் கூறப்பட்டது
இந்த நிலையில் சன் பிக்சர்ஸ் நிறுவனம் சற்று முன் தனது சமூக வலைத்தளத்தில் ’சூர்யா 40’ படத்தின் இசையமைப்பாளர் டி.இமான் என்பதை அதிகாரபூர்வமாக அறிவித்துள்ளது. இன்று டி.இமான் தனது பிறந்த நாளை கொண்டாடி வரும் நிலையில் அவரது ரசிகர்களுக்கு இந்த அறிவிப்பு மிகச்சிறந்த அறிவிப்பாக உள்ளது என்பதும் சூர்யா ரசிகர்களும் இந்த அறிவிப்பினை கொண்டாடி வருகின்றனர் என்பதும் குறிப்பிடத்தக்கது
Music Director @immancomposer will be composing the music for #Suriya40bySunPictures@Suriya_offl #DirectorPandiraj #Suriya40 pic.twitter.com/h5SVfv5pTZ
— Sun Pictures (@sunpictures) January 24, 2021