சூப்பர் ஸ்டார் ரஜினிகாந்த் நடிப்பில் ‘ஜெயிலர்’ என்ற திரைப்படத்தின் படப்பிடிப்பு கடந்த சில மாதங்களாக நடந்து வந்த நிலையில் தற்போது இந்த படத்தின் சூப்பர் அப்டேட்டை சன் பிக்சர்ஸ் நிறுவனம் அறிவித்துள்ளது ரசிகர்களுக்கு பெரும் மகிழ்ச்சியை ஏற்படுத்தி உள்ளது.

ரஜினிகாந்த் நடிப்பில் நெல்சன் இயக்கத்தில் அனிருத் இசையில் ‘ஜெயிலர்’ திரைப்படம் உருவாகி வருகிறது. இந்த படத்தின் படப்பிடிப்பு முடிவடைந்து தற்போது போஸ்ட் புரடொக்சன்ஸ் பணிகள் நடைபெற்று வருவதாக கூறப்படுகிறது.

இந்த நிலையில் ‘ஜெயிலர்’ படத்தின் ரிலீஸ் தேதி விரைவில் அறிவிக்கப்படும் என்று ரசிகர்கள் எதிர்பார்த்துக் கொண்டிருந்த நிலையில் சற்று முன்னாள் சன் பிக்சர்ஸ் நிறுவனம் தனது சமூக வலைதள பக்கத்தில் இன்று மாலை 6 மணிக்கு ‘ஜெயிலர்’ படத்தின் அப்டேட் வெளியிட இருப்பதாக அறிவித்துள்ளது.

இதனை அடுத்து ‘ஜெயிலர்’ படத்தின் ரிலீஸ் தேதி தான் இன்று அறிவிக்கப்படும் என்று ரஜினிகாந்த் ரசிகர்கள் மிகுந்த ஆர்வத்துடன் காத்திருக்கின்றனர் என்பது குறிப்பிடத்தக்கது.

ரஜினிகாந்த், சிவராஜ்குமார், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, மோகன்லால் உட்பட பலர் நடித்து வரும் இந்த படத்திற்கு விஜய் கார்த்திக் கண்ணன் ஒளிப்பதிவும், நிர்மல் படத்தொகுப்பும் செய்து வருகின்றனர்.