தளபதி விஜய் நடித்துவரும் ‘பீஸ்ட்’ படத்தின் படப்பிடிப்பு ஒருபக்கம் விறுவிறுப்பாக நடைபெற்று வரும் நிலையில் இன்னொரு பக்கம் இந்த படத்தில் நடித்து வரும் நட்சத்திரங்கள் குறித்த தகவலை சன் பிக்சர்ஸ் நிறுவனம் அறிவித்து வருகிறது.

சற்றுமுன்னர் சன் பிக்சர்ஸ் நிறுவனம் தனது டுவிட்டர் பக்கத்தில் ‘பீஸ்ட்’ படத்தில் இயக்குனர் செல்வராகவன் நடிக்க இருப்பதாக அறிவித்ததை அடுத்து விஜய் ரசிகர்களுக்கு இந்த அறிவிப்பு இன்ப அதிர்ச்சியாக இருந்தது என்பது குறிப்பிடத்தக்கது.

இந்த நிலையில் சற்று முன் மீண்டும் சன் பிக்சர்ஸ் நிறுவனம் ‘பீஸ்ட்’ படத்தில் யோகி பாபு, விடிவி கணேஷ் மற்றும் லிலிபுத் ஃபரூக் ஆகியோர் நடிக்க இருப்பதாக அறிவிக்கப்பட்டுள்ளது. யோகி பாபு மற்றும் விடிவி கணேஷ் ஆகியோர் தமிழ் திரையுலகின் காமெடி நடிகர்கள் என்பது அறிந்ததே. அதேபோல் லிலிபுத் ஃபரூக் பாலிவுட்டில் பிரபல காமெடி நடிகர் என்பதும் இவர் கமல்ஹாசன் நடித்த பாலிவுட் திரைப்படமான ’சாகர்’ உள்பட ஒருசில திரைப்படங்களில் நடித்துள்ளார் என்பது குறிப்பிடத்தக்கது.

‘பீஸ்ட்’ படத்தின் அப்டேட்களை அடுத்தடுத்து வெளியிட்டு வரும் சன்பிக்சர்ஸ் நிறுவனம் வெளியிடும் அடுத்த அப்டேட் என்ன என்பதை பொறுத்திருந்து பார்ப்போம்.

.@iYogiBabu, #VTVGanesh & #LiliputFaruqui join the cast of #Beast!@actorvijay @Nelsondilpkumar @anirudhofficial @hegdepooja#BeastCastUpdate pic.twitter.com/a27SKqlPMD

— Sun Pictures (@sunpictures) August 7, 2021

#ShineTomChacko, #AparnaDas & #AnkurAjitVikal join the cast of #Beast.@actorvijay @Nelsondilpkumar @anirudhofficial @hegdepooja#BeastCastUpdate pic.twitter.com/BswVNDX2O6

— Sun Pictures (@sunpictures) August 7, 2021