பொங்கல் ரேஸில் இருந்து பின்வாங்கிய இரண்டு திரைப்படங்கள்!
- IndiaGlitz, [Thursday,January 02 2020]
வரும் பொங்கல் விருந்தாக சூப்பர் ஸ்டார் ரஜினிகாந்த் நடித்துள்ள ’தர்பார்’ திரைப்படம் மற்றும் தனுஷ் நடித்துள்ள ‘பட்டாஸ்’ திரைப்படம் ஆகிய இரண்டு படங்கள் மட்டுமே வெளியாகும் என்பது உறுதி செய்யப்பட்டுள்ளது. ரஜினியின் ’தர்பார்’ ஜனவரி 9ஆம் தேதியும் தனுஷின் ‘பட்டாஸ்’ ஜனவரி 16ஆம் தேதி வெளியாக உள்ளதாக அதிகாரப்பூர்வமாக அறிவிக்கப்பட்டுள்ளன.
இந்த நிலையில் ஏற்கனவே பொங்கல் தினத்தில் ரிலீஸ் ஆகும் என்று அறிவிக்கப்பட்ட மிர்ச்சி சிவாவின் ’சுமோ’ மற்றும் பிரபுதேவாவின் ’பொன் மாணிக்கவேல்’ ஆகிய இரண்டு திரைப்படங்களும் ரிலீஸ் குறித்த எந்த தகவலும் கடந்த சில நாட்களாக வெளியாகவில்லை. இந்த படங்களுக்கான புரமோஷன் பணிகளும் தொடங்கப்படவில்லை. பொங்கல் ரிலீஸ் என்பதற்கான அறிகுறியே இந்த இரண்டு படங்களுக்கும் தெரியவில்லை என்பதால் இந்த இரண்டு படங்களும் பொங்கல் ரேஸில் இருந்து விலகி உள்ளதாக கூறப்படுகிறது. இருப்பினும் விரைவில் இந்த படங்களின் ரிலீஸ் தேதிகள் அறிவிக்கப்படும் என எதிர்பார்க்கப்படுகிறது
எனவே பொங்கல் விடுமுறை நாட்களான ஜனவரி 10 முதல் 19 வரையிலான நீண்ட விடுமுறை தினங்களில் ரஜினியின் தர்பார் திரைப்படமும் தனுஷின் பட்டாஸ் திரைப்படமும் மட்டும் வெளியாக உள்ளது என்பதே இப்போதைய நிலையாக உள்ளது