దివంగ‌త మాజీ ముఖ్య‌మంత్రి ఎన్టీఆర్ జీవిత క‌థ‌ను 'య‌న్‌.టి.ఆర్‌' బ‌యోపిక్‌గా తెర‌కెక్కిస్తున్న సంగ‌తి తెలిసిందే. నంద‌మూరి బాల‌కృష్ణ టైటిల్ పాత్ర‌లో న‌టిస్తూ ఈ చిత్రాన్ని నిర్మిస్తున్న సంగ‌తి తెలిసిందే. సాయికొర్రపాటి, విష్ణు ఇందూరి స‌హ నిర్మాత‌లుగా వ్య‌వ‌హ‌రిస్తుండ‌గా క్రిష్ జాగ‌ర్ల‌మూడి ద‌ర్శ‌క‌త్వం వ‌హిస్తున్నారు. ప్ర‌స్తుతం సినిమా చిత్రీక‌ర‌ణ‌ను జ‌రుపుకుంటుంది.

ఇందులో రానా, విద్యాబాల‌న్‌, స‌చిన్ ఖేడేక‌ర్‌, జిస్సేన్ గుప్తా త‌దిత‌రులు కీల‌క పాత్ర‌ల్లోన‌టిస్తున్నారు. కాగా ఎన్టీఆర్ స‌మ‌కాలీనుడు ఎ.ఎన్‌.ఆర్ పాత్ర‌లో సుమంత్  న‌టిస్తున్నారు. ఎన్టీఆర్ సినిమాల నుండి రాజకీయ రంగ ప్ర‌వేశం వ‌ర‌కు ఎ.ఎన్‌.ఆర్‌తో మంచి అనుబంధం కొన‌సాగింది.

ఎన్టీఆర్ రాజ‌కీయ రంగ ప్ర‌వేశం త‌ర్వాత కూడా వీరి మ‌ధ్య అనుబంధం కొన‌సాగింది. ఈ జ‌ర్నీ చాలా పెద్ద‌దే. కాబ‌ట్టి సుమంత్ డిఫ‌రెంట్ గెట‌ప్స్‌లో క‌నిపిస్తారట‌.  కొన్ని రోజుల నుండి గ‌డ్డం లుక్‌తో ఆక‌ట్టుకుంటున్న సుమంత్ క్లీన్ షేవ్ చేసేసుకున్నాడ‌ట‌. మ‌రి సుమంత్ ఎన్నిగెట‌ప్స్‌లో క‌నిపిస్తార‌నేది ఆస‌క్తిక‌రంగా మారింది.