సుమంత్ సినిమా సిద్ధ‌మ‌వుతోంది
- IndiaGlitz, [Wednesday,June 20 2018]
గ‌తేడాది విడుద‌లైన ఫీల్‌గుడ్ మూవీ 'మ‌ళ్ళీ రావా'తో చెప్పుకోద‌గ్గ విజయాన్ని అందుకున్నారు సుమంత్. ప్ర‌స్తుతం ఆయ‌న రెండు చిత్రాల‌తో బిజీగా ఉన్నారు. అవే.. ‘ఇదం జగత్’, 'సుబ్ర‌మ‌ణ్య‌పురం'. వీటిలో ‘ఇదం జగత్’ ఇప్ప‌టికే షూటింగ్ పూర్తిచేసుకుని పోస్ట్ ప్రొడక్షన్ దశలో ఉంది. అంజు కురియన్ క‌థానాయిక‌గా న‌టించిన ఈ సినిమాకి అనిల్ శ్రీకంఠం ద‌ర్శ‌క‌త్వం వ‌హించారు.
ఇటీవ‌ల విడుద‌లైన ఫ‌స్ట్ లుక్‌కు మంచి రెస్పాన్స్ వ‌చ్చింది. కాగా.. ఈ నెలాఖ‌రున టీజర్‌ను విడుద‌ల చేయ‌డానికి స‌న్నాహాలు జ‌రుగుతున్నాయి. అలాగే సినిమాని జూలై ద్వితీయార్థంలో విడుద‌ల చేయ‌డానికి స‌న్నాహాలు చేస్తున్నారు. ఈ సినిమాలో సుమంత్ నెగెటివ్ షేడ్స్ ఉన్న పాత్రలో క‌నిపించ‌నున్నార‌ని స‌మాచారం. వైవిధ్య‌మైన కథ కథనాలతో తెర‌కెక్కిన ఈ చిత్రం తనకు మ‌రో మంచి విజయాన్ని అందిస్తుందన్న న‌మ్మ‌కంతో ఉన్నారు సుమంత్.