ఎస్పీ, పవన్ , ప్రభాస్ సాయంతో వృద్ధాశ్రమం - సుమ
- IndiaGlitz, [Saturday,November 26 2016]
ఎస్పీ బాల సుబ్ర‌మణ్యం, పవన్ కళ్యాణ్, ప్రభాస్, మంచు లక్ష్మి త‌దిత‌రుల సాయంతో వృద్ధాశ్రమం కోసం భ‌వ‌నం నిర్మించిన‌ట్టు ప్ర‌ముఖ యాంక‌ర్ సుమ క‌న‌కాల తెలియ‌చేసారు. అంద‌రం క‌లిసి ఈ వృద్ధాశ్ర‌మాన్ని నిర్మించాం అని సంతోషం వ్య‌క్తం చేస్తూ ఫేస్ బుక్ లో ఫోటోలు పోస్ట్ చేసారు. అంతే కాకుండా....ఎస్పీ బాల‌సుబ్ర‌మ‌ణ్యం, పవన్ కళ్యాణ్, ప్రభాస్ ల‌తో పాటు ఆలీ, శ్యామ్ ప్ర‌సాద్ రెడ్డి, వివేక్, అయ్య‌దేవ‌ర శ్రీనివాస్, పీవీపీ త‌దిత‌రుల‌కు స్పెష‌ల్ థ్యాంక్స్ తెలియ‌చేసారు. ఈ ఆశ్ర‌మం ఏర్పాటు చేయ‌డానికి కార‌ణం ఖ‌మ్మం లక్ష్మి అమ్మ. ఆమెను ఆమె కుటుంబ స‌భ్యుల‌ను అభినందిస్తున్నాను అన్నారు.
ఖమ్మంకు చెందిన లక్ష్మి త‌న‌కు వ‌చ్చే 50 వేల జీతంతో ఆశ్ర‌మాన్ని నిర్వ‌హించేవారు. అయితే...ఆమె ప‌ద‌వీ విర‌మ‌ణ చేసిన త‌ర్వాత పెన్ష‌న్ తో ఆశ్ర‌మ నిర్వ‌హించ‌డం క‌ష్టం అయ్యింది. ఇటీవ‌ల ఆమె మేము సైతం కార్య‌క్ర‌మంలో పాల్గొన్నారు. ఆశ్ర‌మానికి అద్దె భ‌వ‌నం దొర‌క‌డం క‌ష్టంగా ఉందని చెప్ప‌డంతో విరాళాలు సేక‌రించి ఆశ్ర‌మానికి సొంత భ‌వనాన్ని ఏర్పాటు చేసారు.