கொரோனா வைரஸால் தாமதமாகும் கார்த்தியின் அடுத்தப் படம்: பரபரப்பு தகவல்
- IndiaGlitz, [Saturday,March 14 2020]
கார்த்தி நடித்த ’கைதி’ மற்றும் ’தம்பி’ ஆகிய இரண்டு திரைப்படங்கள் சமீபத்தில் வெளியாகி நல்ல வரவேற்பை பெற்ற நிலையில் அவர் தற்போது நடித்து முடித்திருக்கும் திரைப்படம் ’சுல்தான்’. இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் இறுதிக் கட்டத்தில் உள்ள நிலையில் இந்த படத்தின் ரிலீஸ் தேதி குறித்த அறிவிப்பு விரைவில் வெளிவரும் என்று எதிர்பார்க்கப்பட்டது
ஆனால் இந்த படத்தின் தயாரிப்பாளர் எஸ்ஆர் பிரபு அவர்கள் தனது சமூக வலைதளத்தில் ’கொரோனா வைரஸ் காரணமாக இந்த படத்தின் ரிலீஸ் தேதி குறித்து இன்னும் முடிவு செய்யப்படவில்லை என்று அவர் தெரிவித்துள்ளார். இதனால் இந்த படத்தின் ரிலீஸ் தேதி தள்ளிப் போகும் என்று எதிர்பார்க்கப்படுகிறது. ஏற்கனவே கொரோனா வைரஸ் காரணமாக விஜய்யின் ‘மாஸ்டர்’, சூர்யாவின் ‘சூரரை போற்று’ உள்பட பல திரைப்படங்களின் ரிலீஸ் தள்ளிப்போக வாய்ப்பு இருப்பதாக கோலிவுட் வட்டாரங்கள் கூறுகின்றன.
பிரபல தெலுங்கு நடிகை ராஷ்மிகா மந்தனா நாயகியாக நடித்துள்ள இந்த படத்தை பாக்யராஜ் கண்ணன் இயக்கியுள்ளார். இவர் ஏற்கனவே சிவகார்த்திகேயன் நடித்த ரெமோ படத்தை இயக்கியவர் என்பது குறிப்பிடத்தக்கது
#CoronaOutbreak is delaying everything including #Sulthan Update! Let’s keep calm and be safe!! ??✌??
— S.R.Prabhu (@prabhu_sr) March 13, 2020