జ‌న‌తా గురించి నిజం మాట్లాడిన సుకుమార్..!
- IndiaGlitz, [Wednesday,September 14 2016]
యంగ్ టైగ‌ర్ ఎన్టీఆర్ - బ్లాక్ బ‌ష్ట‌ర్ డైరెక్ట‌ర్ కొర‌టాల శివ కాంబినేష‌న్లో రూపొందిన భారీ చిత్రం జ‌న‌తా గ్యారేజ్. ఈ చిత్రం టాక్ తో సంబంధం లేకుండా ఘన విజయం సాధించింది. ఇటీవ‌ల థ్యాంక్స్ మీట్ ఏర్పాటు చేసిన జ‌న‌తా గ్యారేజ్ టీమ్ రెండు రోజుల గ్యాప్ లో విజ‌యోత్స‌వం అంటూ మ‌రో ఫంక్ష‌న్ ఏర్పాటు చేసింది.
ఈ వేడుక‌లో డైరెక్ట‌ర్ సుకుమార్ మాట్లాడుతూ...ఈ సినిమా చూడ‌గానే బాగుంది కానీ.. కామెడీ లేదు. కొర‌టాల ఇంత‌కు ముందు కామెడీ లేకుండా సినిమా తీసాడు ఓకే. ఇప్పుడు కూడా కామెడీ లేకుండా సినిమా తీయ‌డానికి ఏమిటి అత‌ని ధైర్యం ఎన్టీఆర్ ఉన్నాడ‌నా..? అనిపించింది. అయితే..ఈ మూవీకి ఎలాంటి రిజ‌ల్ట్ వ‌స్తుంది అనే విష‌యం పై నాకు ఎక్క‌డో డౌట్ ఉండేది. రిలీజైన త‌ర్వాత అంద‌రికీ తెలిసిందే ఎలాంటి స‌క్సెస్ సాధించిందో అంటూ జ‌న‌తా గ్యారేజ్ గురించి త‌న మ‌న‌సులో మాట‌ల‌నే కాదు చాలా మంది మ‌న‌సులో మాట‌ల‌ను బ‌య‌ట‌పెట్టారు సుకుమార్. తెలుగు సినిమా గురించి చెప్పాలంటే.... శివ‌కు ముందు, శివ‌కు త‌ర్వాత అని ఎలాగైతే చెబుతారో క‌మ‌ర్షియ‌ల్ సినిమా గురించి చెప్పాలంటే...కొర‌టాల శివ‌కు ముందు, కొర‌టాల శివ‌కు త‌ర్వాత అని చెప్పాలి అంటూ కొర‌టాల‌ను ఆకాశానికి ఎత్తేసాడు సుకుమార్..!