'రంగస్థలం 2' పై స్పందించిన సుకుమార్
- IndiaGlitz, [Monday,April 02 2018]
ఈ శుక్ర‌వారం విడుదలైన 'రంగస్థలం' అన్ని సెంట‌ర్ల‌లోనూ విజయదుందుభి మోగిస్తోంది. రామ్ చరణ్, సమంత జంటగా నటించిన ఈ చిత్రానికి సుకుమార్ దర్శకత్వం వహించారు. సుకుమార్ టేకింగ్‌కు ఫిదా అయిపోయిన దర్శకులు క్రిష్, వంశీ పైడిపల్లి ఫోన్ చేసి మరీ ప్రశంసలు కురిపించారు.
టాలీవుడ్ హీరోలు బన్నీ, రవితేజ కూడా అభినందనలు తెలియజేసారు. ఇక మెగా స్టార్ చిరంజీవి అయితే ఓ అడుగు ముందుకేసి సుకుమార్‌ను కౌగిలించుకుని తన ఆనందాన్ని వ్యక్తపరిచారు.
ఇదిలా ఉంటే.. ఈ సినిమాకు సంబంధించి సీక్వెల్‌గా 'రంగస్థలం 2' రాబోతోందని వస్తున్న వార్తల పై సుకుమార్ స్పందించారు. గ్రామీణ నేపథ్యంలో సాగే ఈ చిత్రంలో.. చరణ్ చాలా బాగా నటించారు. చరణ్ లేకపోతే ఈ సినిమా ఇంత బాగా వచ్చేది కాదు.
తొలిరోజు, తొలిషాట్ లోనే ఈ కథకి చరణ్ కనెక్ట్ అయిన వైనం నన్ను ఆశ్చర్యపరిచింది. ముఖ్యంగా చిరంజీవిగారు, మైత్రీ మూవీ మేకర్స్ ఇచ్చిన ప్రోత్సాహంతోనే ఇంత మంచి సినిమా సాధ్యమయ్యింది. ఇక సీక్వెల్ గురించి అంటే.. ఆలోచన అయితే ఉంది.దానికంటే ముందు నిర్మాతలతో మాట్లాడాలి అంటూ తెలిపారు.
ప్ర‌స్తుతం ఈ విజయాన్ని కుటుంబంతో కలిసి పంచుకుంటున్న సుకుమార్.. త్వరలో సీక్వెల్ పై అధికారికంగా ప్రకటన చేస్తారేమో చూడాలి.