'కేశవ' టీజర్ ను విడుదల చేసిన సుకుమార్
- IndiaGlitz, [Wednesday,March 22 2017]
నిఖిల్, రీతూవ‌ర్మ, ఈషా గోపిక‌ర్ తారాగ‌ణంగా దేవాంశ్ నామా స‌మ‌ర్ప‌ణ‌లో అభిషేక్ పిక్చ‌ర్స్ బ్యాన‌ర్‌పై సుధీర్ వ‌ర్మ ద‌ర్శ‌క‌త్వంలో అభిషేక్ నామా నిర్మాత‌గా రూపొందుతోన్న చిత్రం 'కేశవ'. డైరెక్టర్ సుకుమార్ టీజ‌ర్‌ను విడుదల చేశారు. ''భూతాన్ని..య‌జ్ఞోప‌వేతాన్ని..వైప్లవ్య గీతాన్ని నేను.. స్మరిస్తే పద్యం.. అరిస్తే వాద్యం.. అనల వేదిక ముందు అస్ర నైవేద్యం'' అంటూ టీజ‌ర్‌లో నిఖిల్ చెప్పిన డైలాగ్‌, సుధీర్ వ‌ర్మ టేకింగ్‌కు ఆడియెన్స్ నుండి చాలా మంచి రెస్పాన్స్ వ‌స్తుంది. స్వామిరారా నుండి ట్రాక్ మార్చి వ‌రుస స‌క్సెస్‌లు సాధిస్తున్న ఈ హీరో కేశవ అనే సినిమాలో ప‌గ, ప్ర‌తీకారం అంటూ కొత్ స‌బ్జెక్ట్‌తో ప్రేక్ష‌కుల ముందుకు రానున్నాడు.
నిఖిల్ ఎక్స్‌ప్రేష‌న్స్ చాలా అద్భుతంగా ఉన్నాయని సుకుమార్ ఎంటైర్ టీంను అభినందిచాడు. సినిమా ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటుంద‌ని, సుధీర్ వ‌ర్మ స్వామిరారా త‌ర్వాత కొత్త స‌బ్జెక్ట్‌తో ముందుకు రావ‌డం న‌న్నెంతో ఇన్‌స్పైర్ చేసి సినిమ చేయ‌డానికి ఒప్పుకున్నాన‌ని నిఖిల్ చెప్పాడు. ఈ కార్య‌క్ర‌మంలో అభిషేక్ నామా, సుధీర్ వ‌ర్మ పాల్గొన్నారు.