బంగారు ప‌ళ్లానికైనా గోడ చేరువు కావాలి అని అంటారు. ఎదిగే క్ర‌మంలో ప్రతి ఒక్క‌రికీ ఎంతో మంది సాయం చేస్తూనే ఉంటారు. ఆర్య నుంచి నిన్న‌మొన్న‌టి రంగ‌స్థ‌లం వ‌ర‌కు వ‌చ్చిన ప్ర‌తి అవ‌కాశాన్నీ సుకుమార్ స‌ద్వినియోగం చేసుకుంటూ ముందుకు సాగుతున్నారు. త్వ‌ర‌లో ఆయ‌న బాలీవుడ్ డైర‌క్ట‌ర్‌గా మార‌బోతున్నారు. వ‌రుణ్ ధావ‌న్ క‌థానాయ‌కుడిగా ఆయ‌న ఓ సినిమా చేయ‌నున్నారు. ఈరోస్ ఇంట‌ర్నేష‌న‌ల్ ఈ సినిమాను నిర్మించ‌నుంది.

అయితే ఈ సినిమాకు సుకుమార్‌కు స‌పోర్ట్ గా నిలుచోబోయేది మ‌రెవ‌రో కాదు రాజ‌మౌళి తండ్రి విజ‌యేంద్ర‌ప్ర‌సాద్‌. భ‌జ‌రంగీ భాయీజాన్‌, బాహుబ‌లి చిత్రాల‌తో విజ‌యేంద్ర‌ప్ర‌సాద్ ఎంతో బాగా బాలీవుడ్ జ‌నాల‌కు తెలుసు. అందులో భాగంగానే ఈరోస్‌తో ఆయ‌న ప‌ది సినిమాల‌కు సంత‌కం చేశారు. వాటిలో ఆయ‌న క‌థ‌లు అందించేవి, ప‌ర్య‌వేక్ష‌ణ చేసేవి, నిర్మించేవి కూడా ఉన్నాయి. వాటిలో సుకుమార్ ప్రాజెక్ట్ ఒక‌టి. ఇప్పుడిప్పుడే బాలీవుడ్లో అడుగుపెట్టే సుకుమార్‌కు రాజ‌మౌళి, ఆయ‌న కుటుంబ స‌భ్యులు వెన్నుదన్నుగా ఉన్నార‌న్న‌మాట‌.