మెగా ఫ్యామిలీ నుండి చాలా మంది హీరోలు తెలుగు సినిమాకు ప‌రిచ‌య‌మ‌య్యారు. అయితే ఈ ఫ్యామిలీ నుండి ప‌రిచ‌య‌మైన హీరోయిన్ నిహారిక కొణిదెల మాత్ర‌మే. ఒక మ‌న‌సుతో హీరోయిన్‌గా తెరంగేట్రం చేసిన నిహారిక‌కు తొలి సినిమా చేదు ఫ‌లితాన్నే ఇచ్చింది. త‌ర్వాత వ‌చ్చిన రెండో మూవీ హ్యాపీ వెడ్డింగ్ బోల్తా కొట్టింది.

అయితే నిహారిక‌కు వెబ్‌సిరీస్ ద్వారా పేరు తెచ్చి పెట్టిన ద‌ర్శ‌కుడు ప్ర‌ణీత్ ద‌ర్శ‌క‌త్వంలో `సూర్య‌కాంతం` సినిమాను చేసింది. ఈ సినిమా హీరోయిన్‌గా త‌న‌కు మంచి బ్రేక్ ఇస్తుంద‌ని భావించింది. అయితే మూడో సినిమా కూడా ప్లాప్ అయ్యింది. దీంతో నిహారిక ఏ సినిమా చేయాలో అర్థం కాకుండా సైలెంట్‌గా కూర్చుంది.

అయితే ఈ మెగా హీరోయిన్ కోసం మెగా ఫ్యామిలీతో ద‌గ్గ‌రి సంబంధాలున్న ద‌ర్శ‌కుడు సుకుమార్ ఓ క‌థ‌ను సిద్ధం చేస్తున్నాడ‌ట‌. త‌న అసోసియేట్ డైరెక్ష‌న్‌లో సుకుమార్ ఈ సినిమాను నిర్మించాల‌నుకుంటున్నాడ‌ట‌. ఈ చిత్రానికి దేవిశ్రీ ప్ర‌సాద్ సంగీతం అందించే అవ‌కాశాలున్నాయ‌ని టాక్‌. ఈ సినిమాకు సంబంధించి త్వ‌ర‌లోనే అధికారిక స‌మాచారం వెలువ‌డ‌నుంది.