కుమారికి మ‌రో ల‌క్కీ ఛాన్స్..
- IndiaGlitz, [Saturday,November 28 2015]
డైరెక్ట‌ర్ సుకుమార్ నిర్మాత‌గా మారి తొలి ప్ర‌య‌త్నంగా అందించిన సినిమా కుమారి 21 ఎఫ్‌. ఈ చిత్రానికి చాలా మంచి స్పంద‌న ల‌భిస్తోంది. ఈ చిత్రానికి సుకుమార్ నిర్మాత‌గానే కాకుండా క‌థ- స్ర్కీన్ ప్లే కూడా అందించ‌డం విశేషం. ఈ మూవీలో క‌థానాయిక‌గా న‌టించిన హెబ్బా ప‌టేల్ పాత్ర‌కు త‌గ్గ‌ట్టు అద్భుతంగా న‌టించి మంచి పేరు సంపాదించుకుంది.
తొలి ప్ర‌య‌త్నంలోనే విజ‌యం సాధించిన ఈ అమ్మ‌డుకి తాజాగా మ‌రో ల‌క్కీ ఛాన్స్ వ‌చ్చింది. సుకుమార్ నిర్మాత‌గా మ‌రో మూవీ నిర్మించడానికి ప్లాన్ చేస్తున్నాడు. ఈ చిత్రం ద్వారా సుకుమార్ మేన‌ల్లుడు అశోక్ హీరోగా ప‌రిచ‌యం కానున్నాడు. ఈ చిత్రంలో కూడా హీరోయిన్ గా హెబ్బా ప‌టేల్ నే ఫైన‌ల్ చేసాడ‌ట. దీంతో అమ్మ‌డు తెగ సంబ‌ర‌ప‌డిపోతుంద‌ట.