నిర్మాణంలో ఉన్న 'నాన్న‌కు ప్రేమతో'ని క‌లుపుకుంటే.. సుకుమార్ ద‌ర్శ‌క‌త్వం వ‌హించిన సినిమాల సంఖ్య ఆరు. ఈ అర‌డ‌జ‌ను సినిమాల‌ను విభిన్న శైలిలో రూపొందించే ప్ర‌య‌త్న‌మే చేసారు సుకుమార్‌. ద‌ర్శ‌కుడిగా మెప్పించిన సుకుమార్‌.. 'కుమారి 21 ఎఫ్‌'తో నిర్మాత‌గానూ త‌న అదృష్టాన్ని ప‌రీక్షించుకోనున్న సంగ‌తి తెలిసిందే.

రాజ్ త‌రుణ్‌, హేబా ప‌టేల్ జంట‌గా న‌టించిన ఈ సినిమాకి సూర్య ప్ర‌తాప్ ద‌ర్శ‌క‌త్వం వహించారు. ఈ నెల 20న ఈ సినిమా విడుద‌ల కానుంది. విశేష‌మేమిటంటే.. గ‌తంలో ఇదే న‌వంబ‌ర్ నెల చివ‌ర‌లో సుకుమార్ డైరెక్ట్ చేసిన 'ఆర్య 2' (2009) కూడా విడుద‌లైంది. రిజ‌ల్ట్ తెలిసిందే. ద‌ర్శ‌కుడిగా అంత‌గా అచ్చిరాని న‌వంబ‌ర్ నెల ట్రాక్ రికార్డ్‌.. నిర్మాతగానైనా సుకుమార్ విష‌యంలో మారుతుందేమో చూడాలి.