బ్రిలియంట్ డైరెక్ట‌ర్‌ సుకుమార్ ద‌ర్శ‌కుడిగా ప‌రిచ‌య‌మై 14 ఏళ్లు అవుతోంది. అయితే.. త‌ను ద‌ర్శ‌క‌త్వం వ‌హించ‌గా ఇప్ప‌టివరకు విడుద‌లైన సినిమాల సంఖ్య మాత్రం ఆరే. ప్ర‌స్తుతం ఏడో చిత్రంగా రంగస్థలం` చేస్తున్నాడు. రామ్ చరణ్, సమంత జంటగా న‌టించిన ఈ సినిమా గ్రామీణ నేపథ్యంలో తెర‌కెక్కుతోంది. 1985 నాటి ప‌రిస్థితుల నేప‌థ్యంలో తెర‌కెక్కిన ఈ సినిమాలో ఆది పినిశెట్టి, జ‌గ‌ప‌తిబాబు, అన‌సూయ కీల‌క పాత్ర‌లు పోషిస్తున్నారు. దేవిశ్రీ ప్ర‌సాద్ సంగీత‌మందిస్తున్నాడు.

ఇదిలా ఉంటే.. ఈ సినిమాని వేసవి ఆరంభంలో అంటే మార్చి 30న విడుదల చేయ‌డానికి స‌న్నాహాలు చేస్తున్న సంగ‌తి తెలిసిందే. ఇక్క‌డ ఆస‌క్తిక‌ర‌మైన విష‌య‌మేమిటంటే.. సుకుమార్ కెరీర్‌లో ప‌క్కా హిట్ చిత్రాలుగా నిలిచిన‌ ఆర్య`, 100% లవ్` కూడా వైవిధ్యమైన ప్రేమకథలతో తెర‌కెక్కి వేసవిలోనే విడుదల అయ్యాయి. మ‌రి ముచ్చ‌ట‌గా మూడోసారి.. రంగస్థలం` కూడా తనకి అచ్చొచ్చిన వేసవిలోనే విడుదల కానుండ‌డం చూస్తుంటే.. సుకుమార్ ఖాతాలో మ‌రో హిట్ చేరేలానే ఉంది. చూద్దాం.. ఏం జ‌రుగుతుందో?