’பாண்டியன் ஸ்டோர்ஸ்’ உட்பட பல சீரியல்கள் நடித்த நடிகை சுஜிதாவின் சகோதரரும் பாக்யராஜ் நடித்த ’மௌன கீதங்கள்’ உள்பட பல திரைப்படங்களில் குழந்தை நட்சத்திரமாக நடித்து அதன் பின்னர் இயக்குனர் ஆன சூரிய கிரண் சமீபத்தில் உடல்நல குறைவு காரணமாக காலமானார் என்பதை ஏற்கனவே பார்த்தோம்

இந்த நிலையில் சூரிய கிரண் சகோதரி நடிகை சுஜிதா தனது இன்ஸ்டாகிராமில் தனது சகோதரர் மறைவு குறித்து உருக்கமான பதிவு செய்துள்ளார். அந்த பதிவில், ‘சூர்ய கிரண் எனது சகோதரன் மட்டுமல்ல, என் அப்பா மற்றும் என் ஹீரோவுமானவர். அவருடைய திறமையும் பேச்சையும் கண்டு நான் பலமுறை வியந்திருக்கிறேன். மறுபிறவி என்பது உண்மையாக இருந்தால் உன்னுடைய கனவுகள், சாதனைகள் அனைத்தும் புதிதாக தொடரட்டும்’ என்று குறிப்பிட்டுள்ளார்.

முன்னதாக சுரேஷ் என்ற பெயரில் குழந்தை நட்சத்திரமாகவும், சூரிய கிரண் என்ற பெயரில் இயக்குனராகவும் இருந்த சூரிய கிரண் மஞ்சள் காமாலை நோயால் பாதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி மார்ச் 11ஆம் தேதி காலமானார். அவரது மறைவுக்கு திரையுலகினர், சின்ன திரையுலகினர் இரங்கல் தெரிவித்தனர்.

சிவாஜி கணேசன், ரஜினிகாந்த் உட்பட பல பிரபலங்களின் படங்களில் மாஸ்டர் சுரேஷ் என்ற பெயரில் சூரிய கிரண் நடித்துள்ளார் என்பதும், அதேபோல் சில படங்களை இவர் இயக்கியுள்ளார் என்பதும் குறிப்பிடத்தக்கது.

இரண்டு வருடங்களுக்கு முன் தெலுங்கு பிக்பாஸ் நிகழ்ச்சியில் சூர்யா கிரண் கலந்து கொண்டார் என்பதும் இவர் நடிகை காவிரியை திருமணம் செய்து கொண்ட நிலையில் அதன் பின்னர் கருத்து வேறுபாடு காரணமாக இருவரும் பிரிந்து விட்டார் என்பதும் குறிப்பிடத்தக்கது.

View this post on Instagram

A post shared by Sujithar (@sujithadhanush)