క‌రోనా టైమ్‌లో పెళ్లిళ్లు, ఫంక్ష‌న్స్ కొన్నాళ్ల పాటు ఆగాయి. అయితే దిల్‌రాజు, నిఖిల్ వంటి వారు క‌రోనా నిబంధ‌న‌ల మేర‌కు పెళ్లి చేసుకున్నారు. దీంతో మ‌రికొంద‌రు అదే బాట‌లో ప్ర‌యాణించ‌డానికి సిద్ధంగా ఉన్నారు. వీరిలో యువ దర్శ‌కుడు సుజిత్ కూడా చేరారు. త‌ను ప్రేమించిన అమ్మాయి ప్ర‌వ‌ళ్లిక‌(డెంటిస్ట్ డాక్ట‌ర్‌)తో సుజిత్ నిశ్చితార్థం బుధ‌వారం పూర్త‌య్యింది. ఆ ఫొటోలు నెట్టింట వైర‌ల్ అవుతున్నాయి. త్వ‌ర‌లోనే పెళ్లి తేదీపై కూడా క్లారిటీ రానుంది.

షార్ట్ ఫిలింస్ చేసిన సుజిత్ తొలి చిత్రం ‘ర‌న్‌రాజార‌న్‌’..శర్వానంద్ హీరోగా నటించిన ఈ చిత్రం పెద్ద హిట్ అయ్యింది. దీంతో సుజిత్ మోస్ట్ వాంటెడ్ డైరెక్టర్ అయ్యాడు. తదుపరి ఏకంగా ప్రభాస్‌ను డైరెక్ట్ చేసే అవ‌కాశం ద‌క్కించుకున్నాడు. ప్ర‌భాస్‌, సుజిత్ కాంబోలో వ‌చ్చిన చిత్రం ‘సాహొ’ ఆశించిన స్థాయిలో స‌క్సెస్ కాలేదు. అయితే కూడా సుజిత్‌కు ఈసారి ఏకంగా మెగాస్టార్ చిరంజీవిని డైరెక్ట్ చేసే అవ‌కాశం ద‌క్కింది. మెగాస్టార్ చిరంజీవి న‌టించ‌నున్న లూసిఫ‌ర్ రీమేక్‌ను సుజిత్ తెర‌కెక్కించున్నాడు. స్క్రిప్ట్ ఫైన‌ల్ ద‌శ‌లో ఉంది. ఆచార్య సినిమా పూర్త‌యిన త‌ర్వాత చిరు సినిమాను డైరెక్ట్ చేయ‌నున్నాడు సుజిత్