சென்னையில் தற்கொலைக்குக் முயன்ற இரண்டு காவலர்கள் கைது
- IndiaGlitz, [Thursday,March 22 2018]
நேற்று சென்னையில் டிஜிபி அலுவலகம் எதிரே ரகு, கணேஷ் ஆகிய இரண்டு ஆயுதப்படை காவலர்கள் உடலில் மண்ணெண்ணெய் ஊற்றி தற்கொலை முயற்சியில் ஈடுபட்டனர். தேனி மாவட்டத்தை சேர்ந்த இவர்கள் இருவரும் சாதி அடிப்படையில் தங்களை இடமாற்றம் செய்வதாக காவல்துறை உயரதிகாரிகள் மீது குற்றஞ்சாட்டினர்.
தற்கொலை முயன்ற இரண்டு காவலர்களையும் மெரினா போலீசார் காப்பாற்றி அவர்கள் இருவரையும் காவல்நிலையத்திற்கு அழைத்து சென்று விசாரணை நடத்தினர். இதன் தொடர்ச்சியாக சற்றுமுன்பு அவர்கள் இரண்டு பேர் மீது தற்கொலை முயற்சி என்ற பிரிவின்படி கைது செய்யப்பட்டுள்ளனர்.
நேற்று தேனி எஸ்பி பாஸ்கரன் அவர்கள் தெரிவித்த அறிக்கையில் ரகு, கணேஷ் ஆகிய இரண்டு பேர் மீதும் துறைரீதியிலான நடவடிக்கை எடுக்கப்படும் என்று தெரிவித்திருந்த நிலையில் இருவரும் கைது செய்யப்பட்டிருப்பது பெரும் பரபரப்பை ஏற்படுத்தியுள்ளது