సుధీర్ వివాదానికి తెర తీసాడా?
- IndiaGlitz, [Tuesday,October 16 2018]
'స‌మ్మోహ‌నం', 'న‌న్నుదోచుకుందువ‌టే' వంటి ఫీల్ గుడ్ ల‌వ్ స్టోరీస్‌తో న‌టుడిగా ప్రేక్ష‌కుల హృద‌యాల్లో స్థానాన్ని సుస్థిరం చేసుకుంటున్న హీరో సుధీర్ బాబు. ఈయ‌న న‌టించిన చిత్రం 'వీర భోగ వ‌సంత రాయ‌లు'. ఈ చిత్రంలో సుధీర్ పోలీస్ ఆఫీస‌ర్‌గా న‌టిస్తున్నాడు. అక్టోబ‌ర్ 26న విడుద‌ల‌వుతున్న ఈ సినిమా ట్రైల‌ర్‌ను విడుద‌ల చేశారు. ట్విస్ట్ ఏంటంటే ఈ ట్రైల‌ర్‌లో సుధీర్ బాబు పాత్ర‌కు ఆయ‌న డ‌బ్బింగ్ చెప్పుకోలేదు.
ఈ విష‌యాన్ని ఆయ‌న కూడా చెప్పాడు. కొన్ని కార‌ణాల‌తో 'వీర భోగ వ‌సంత రాయ‌లు' సినిమాలో నా పాత్ర‌కు డ‌బ్బింగ్ చెప్ప‌లేదు అంటూ సుధీర్ చెప్ప‌డం అనుమానాల‌కు తావిస్తుంది. ఏదైనా రెమ్యున‌రేష‌న్ ప్రాబ్ల‌మా? లేదా? మరేదైనానా? అని తెలియ‌దు కానీ.. మొత్తానికి వివాదానికి సుధీర్ తెర తీసిన‌ట్లేనిన ఇండ‌స్ట్రీ వ‌ర్గాలు అనుకుంటున్నాయి.