శ్రీదేవి సోడా సెంటర్ టీజర్: అప్పటి నుంచి నా పేరు సోడాలు శ్రీదేవి అయింది
- IndiaGlitz, [Friday,July 30 2021]
హీరో సుధీర్, పలాస డైరెక్టర్ కరుణ కుమార్ కాంబోలో తెరకెక్కుతున్న చిత్రం 'శ్రీదేవి సోడా సెంటర్'. ఈ మూవీ పై మంచి అంచనాలు ఉన్నాయి. చిత్ర యూనిట్ ప్రేక్షకులని ఆకట్టుకునేలా పాటలు, టీజర్స్ రిలీజ్ చేస్తోంది. ఈ చిత్రం నుంచి విడుదలైన మాస్ స్పెషల్ సాంగ్ 'మందులోడా' యూట్యూబ్ లో దూసుకుపోతోంది.
తాజాగా ఈ చిత్రం నుంచి హీరోయిన్ పాత్రని పరిచయం చేసేలా టీజర్ రిలీజ్ చేశారు. టీజర్ ఆకట్టుకునేలా ఉంది. ఈ మూవీలో సుధీర్ బాబు సరసన ఆనంది హీరోయిన్ గా నటించింది. పల్లెటూరి యువతిగా ఆమె పాత్ర గమ్మత్తుగా ఉంది. టీజర్ లో ఆమె చెప్పే డైలాగ్స్ ఆకట్టుకునేలా ఉన్నాయి.
'నీలాగే ఒకడు సోడా సోడా అని మా కొట్టుదగ్గర తిరిగితే సోడా తీసి ఆడి నెత్తిమీద కొట్టా' అంటూ ఆనంది పల్లెటూరి యాసలో సుధీర్ బాబుకి వార్నింగ్ ఇస్తున్న డైలాగ్ చాలా బావుంది. ఈ మూవీ పూర్తి స్థాయి ఎంటర్టైనర్ గా బ్యూటిఫుల్ గా ఉండబోతున్నట్లు అర్థం అవుతోంది.
దర్శకుడు కరుణ కుమార్ పలాస చిత్రాన్ని ఎమోషల్ గా నడిపించారు. శ్రీదేవి సోడా సెంటర్ చిత్రం అందుకు భిన్నంగా కనిపిస్తోంది. ఈ మూవీలో కమర్షియల్ అంశాలు ఎక్కువగానే ఉన్నట్లు ఉన్నాయి. ఆనంది పాత్రలో చలాకీతనం, చిలిపితనం కలబోసి ఉన్నాయి. ఇక సుధీర్ బాబు పల్లెటూరి యువకుడిగా గడ్డం లుక్ తో కనిపిస్తున్నాడు.
యాత్ర చిత్రాన్ని నిర్మించిన విజయ్ చిల్లా, శశి దేవి రెడ్డి ఈ చిత్రాన్ని నిర్మిస్తున్నారు. మణిశర్మ సంగీతం అందిస్తున్నారు.