ఎస్.ఎం.ఎస్ సినిమా ద్వారా క‌థానాయ‌కుడుగా ప‌రిచ‌య‌మైన యంగ్ హీరో సుధీర్ బాబు. ఆత‌ర్వాత‌ ప్రేమ‌క‌థా చిత్ర‌మ్ తో క‌మ‌ర్షియ‌ల్ స‌క్సెస్ సాధించాడు సుధీర్ బాబు. తాజాగా భ‌లే మంచిరోజు అనే సినిమా చేస్తున్నాడు. ఈ చిత్రం ద్వారా శ్రీరామ ఆదిత్య ద‌ర్శ‌కుడిగా పరిచ‌యం అవుతున్నారు. ఈ చిత్రంలో సుధీర్ బాబు స‌ర‌స‌న వ‌మిక గ‌బ్బి హీరోయిన్ గా న‌టిస్తుంది. స‌న్నీ ఎం.ఆర్ సంగీతాన్ని అందిస్తున్న ఆడియోను ఈనెల 25న రిలీజ్ చేయ‌డానికి ప్లాన్ చేస్తున్నారు.

అయితే సుధీర్ బాబు సినిమాలు ఎస్.ఎం.ఎస్, ప్రేమ‌క‌థా చిత్ర‌మ్ ఆడియో ఫంక్ష‌న్స్ కి ముఖ్య అతిధిగా మ‌హేష్ బాబు వ‌చ్చారు. ఈ రెండు చిత్రాలు మంచి విజ‌యాలు సాధించాయి. అందుచేత స‌క్సెస్ కోసం సెంటిమెంట్ ను న‌మ్ముకున్నార‌ట సుధీర్ బాబు. భ‌లే మంచి రోజు ఆడియో ఫంక్ష‌న్ కి మ‌హేష్ బాబుని ముఖ్య అతిధిగా రావాల‌ని పిల‌వ‌డం...మ‌హేష్ ఓకె చెప్ప‌డం కూడా జ‌రిగింద‌ట‌. మ‌రి...మ‌హేష్ వ‌స్తున్నాడు కాబ‌ట్టి సుధీర్ బాబుకి భ‌లే మంచి రోజు తో స‌క్సెస్ వ‌స్తుంద‌ని ఆశిద్దాం.