సుధీర్ ని చూస్తుంటే గర్వంగా ఉంది - మహేష్
- IndiaGlitz, [Monday,April 25 2016]
సుధీర్ బాబు బాలీవుడ్ మూవీ భాఘీలో విల‌న్ గా న‌టించిన విష‌యం తెలిసిందే. ఈ చిత్రంలో టైగ‌ర్ ష్రాఫ్, శ్ర‌ద్దా క‌పూర్ జంట‌గా న‌టించారు. సుధీర్ బాబును వెతుక్కుంటూ బాలీవుడ్ అవ‌కాశం రావ‌డం ఓ సంచ‌ల‌నం అయితే...ఈ మూవీలో సుధీర్ బాబు ఎలా కనిపించ‌నున్నాడో తెలియ‌చేసేలా రిలీజ్ చేసిన టీజ‌ర్ మ‌రో సంచ‌ల‌నం.
ఈ టీజ‌ర్ కు అనూహ్య‌మైన రెస్పాన్స్ ల‌భిస్తోంది. ఈ టీజ‌ర్ చూసాకా... టాలీవుడ్ లో చాలా మంది యంగ్ హీరోలు సుధీర్ బాబును అభినందిస్తూ ట్వీట్స్ చేసారు. తాజాగా సూపర్ స్టార్ మహేష్ బాబు భాఘీ టీజ‌ర్ ను తన ట్విట్ట‌ర్ ఎకౌంట్ లో రిలీజ్ చేస్తూ...భాఘీ టీజ‌ర్ అద్భుతంగా ఉంది. సుధీర్ ని చూస్తుంటే గర్వంగా ఉంది అంటూ భాఘీ టీమ్ అంద‌రికీ ఆల్ ది బెస్ట్ చెప్పారు. ఈ చిత్రం ఈ నెల 29న ప్ర‌పంచ వ్యాప్తంగా రిలీజ్ అవుతుంది.