డైరెక్ట‌ర్‌తో సుధీర్‌బాబుకి విబేధాల కార‌ణ‌మా?
- IndiaGlitz, [Tuesday,October 23 2018]
సాధార‌ణంగా మూవీ మేకింగ్‌లో న‌టీన‌టులకు, సాంకేతిక నిపుణుల‌కు చిన్న చిన్న వాగ్వాదాలు న‌డుస్తుంటాయి. కానీ అవేం మ‌రీ పెద్ద‌వైతే త‌ప్ప బ‌య‌ట‌కు రావు. ఇప్పుడు సుధీర్‌బాబు న‌టించిన చిత్రం 'వీర‌భోగ వ‌సంత రాయలు' సినిమా విష‌యంలో డైరెక్ట‌ర్ ఇంద్ర, హీరో సుధీర్‌కి మ‌ధ్య గొడ‌వ జ‌రిగింది. నారా రోహిత్‌, శ్రీవిష్ణు, సుధీర్‌బాబు, శ్రియ ప్ర‌ధాన తారాగ‌ణంగా న‌టించిన ఈ చిత్రంలో సుధీర్ పోలీస్ ఆఫీస‌ర్ పాత్ర‌లో క‌న‌ప‌డ‌తారు.
ఈ సినిమా పోస్ట్ ప్రొడ‌క్ష‌న్ వ‌ర్క్‌లో త‌న పాత్ర‌ను వెరిఫై చేసుకున్న సుధీర్ పాత్ర‌ను ఎడిట్ చేయ‌మ‌ని డైరెక్ట‌ర్ ఇంద్ర‌ని కోరారు. అయితే ఇంద్ర అందుకు నిరాక‌రించార‌ట. ఆ కార‌ణంగానే సుధీర్ డ‌బ్బింగ్ చెప్ప‌కుండా నిరాక‌రించాడు. సుధీర్ ఎక్క‌డా ఈ విష‌యాన్ని ప్ర‌స్తావించ‌క‌పోయినా.. అస‌లు విష‌యం బ‌య‌ట‌కు పొక్కింది.