சூர்யா நடித்த ’சூரரைப்போற்று’ படத்தை இயக்கிய சுதா கொங்கரா இயக்க இருக்கும் அடுத்த படம் என்ன? என்ற கேள்வி ரசிகர்கள் மத்தியில் எழுந்துள்ள நிலையில் தற்போது அதுகுறித்த புதிய அப்டேட் வந்துள்ளது.

சுதா கொங்கரா இயக்க இருக்கும் அடுத்த படத்தை ’ஹோம்பாலே பிலிம்ஸ் என்ற நிறுவனம் தயாரிக்க உள்ளதாக தகவல் வெளிவந்துள்ளது. இந்நிறுவனம் ’கேஜிஎப்’ ’கேஜிஎப் 2’’சலார்’ உள்பட பல வெற்றிப் படங்களை தயாரித்துள்ளது என்பது குறிப்பிடத்தக்கது.

மேலும் ’ஹோம்பாலே பிலிம்ஸ் நிறுவனத்திற்காக சுதா கொங்கரா இயக்கும் திரைப்படம் ஒரு பான் இந்தியா திரைப்படம் என்றும் மிகப்பெரிய பட்ஜெட்டில் பிரமாண்டமாக உருவாக இருப்பதாகவும் தகவல்கள் வெளிவந்துள்ளது.

மேலும் இந்த படத்தில் நடிக்கும் ஹீரோ யார் என்பது இன்னும் முடிவு செய்யப்படவில்லை என்றும் இதுகுறித்த தகவல் விரைவில் வெளியாகும் என்று கூறப்படுகிறது. சுதா கொங்கராவின் அடுத்த படத்தில் அஜீத் நடிக்க இருப்பதாக கூறப்பட்ட நிலையில் இந்த பான் - இந்தியா திரைப்படத்தில் அஜித் நடிப்பாரா? என்பது பொறுத்திருந்து பார்ப்போம்.