கடந்த இரண்டு ஆண்டுகளுக்கு முன் பின்னணி பாடகி சுசித்ரா ’சுசுலீக்ஸ்’ என்ற பெயரில் தனது சமூக வலைதளப் பக்கத்தில் பல வீடியோக்கள் மற்றும் புகைப்படங்களை வெளியிட்டு அனைவரையும் அதிர்ச்சிக்குள்ளாக்கினார். முன்னணி நடிகர்கள் மற்றும் நடிகைகளீன் இரகசியங்கள் அந்த புகைப்படங்கள் மற்றும் வீடியோக்களில் வெளிவந்ததால் கோலிவுட் திரையுலகமே பரபரப்பானது

இந்த நிலையில் சுசித்ரா மனநிலை பாதிக்கப்பட்டு உள்ளதாகவும், அவருடைய டுவிட்டர் பக்கம் ஹேக் செய்யப்பட்டுள்ளதாக அவரது கணவர் கார்த்திக் குமார் கூறியதை அடுத்து இந்த பிரச்சினை முடிவுக்கு வந்தது. இந்த நிலையில் கடந்த சில மாதங்களாக மனநிலை சிகிச்சை பெற்று வந்த சுசித்ரா தற்போது மீண்டும் ஒரு வீடியோவை வெளியிட்டு பரபரப்பை ஏற்படுத்தியுள்ளார்.

ஆனால் இந்த வீடியோ சர்ச்சைக்குரிய வீடியோ அல்ல என்பதும் அவர் மீண்டும் ஒரு பாடலைப் பாடிய வீடியோ என்பதும் குறிப்பிடத்தக்கது. அவருடைய யூடியூப் பக்கத்தில் வெளிவந்துள்ள இந்த பாடல் தற்போது இணையதளங்களில் வைரலாகி வருகிறது. இந்த பாடல் ரசிகர்களிடையே பெரும் வரவேற்பை பெற்றதை அடுத்து மீண்டும் அவர் திரையுலகிலும் பாட வாய்ப்பைப் பெறுவார் என்று எதிர்பார்க்கப்படுகிறது