'சுப்பிரமணியபுரம்' நடிகை கணவரை விவாகரத்து செய்கிறாரா? அவரே அளித்த பதில்..!
- IndiaGlitz, [Thursday,September 28 2023]
சசிகுமார் நடித்து இயக்கிய ‘சுப்பிரமணியபுரம்’ என்ற திரைப்படத்தில் நாயகி ஆக நடித்த நடிகை, தனது கணவரை விவாகரத்து செய்வது குறித்த கேள்விக்கு பதில் அளித்துள்ளார்.
கடந்த 2006 ஆம் ஆண்டு சசிகுமார் இயக்கத்தில் உருவான திரைப்படம் ’சுப்பிரமணியபுரம்’. இந்த படம் வெறும் 65 லட்ச ரூபாய் பட்ஜெட்டில் தயாரிக்கப்பட்ட நிலையில் 30 கோடி ரூபாய் வசூல் செய்து மிகப்பெரிய வெற்றி படமானது என்பது குறிப்பிடத்தக்கது
இந்த படத்தில் நாயகியாக சுவாதி என்பவர் நடித்திருந்தார் என்பதும் தமிழில் இந்த படத்தின் மூலம் அறிமுகமாகி அதன் பிறகு பல தமிழ் தெலுங்கு திரைப்படங்களில் அவர் நடித்தார் என்பது குறிப்பிடத்தக்கது.
இந்த நிலையில் நடிகை சுவாதி கடந்த 2018 ஆம் ஆண்டு விகாஸ் வாசு என்பவரை திருமணம் செய்து கொண்ட நிலையில் தற்போது அவர் தனது கணவரை விவாகரத்து செய்யப் போவதாக சமூக வலைத்தளங்களில் வதந்திகள் எழுந்து வருகிறது
இந்த நிலையில் சுவாதி நடித்த ’மந்த் ஆப் மது’ என்ற தெலுங்கு திரைப்படத்தின் புரமோஷன் விழா சமீபத்தில் நடந்தது. இந்த விழாவில் சுவாதி கலந்து கொண்ட போது அவரிடம் விவாகரத்து குறித்து கேள்வி கேட்கப்பட்டது. அதற்கு பதில் அளித்த சுவாதி ’இப்போது நடைபெறும் விழாவுக்கும் இந்த கேள்விக்கும் கொஞ்சம் கூட சம்பந்தமே இல்லை. நான் என்னுடைய பர்சனல் வாழ்க்கை பற்றி எதுவும் சொல்லப் போவதில்லை, அதனால் உங்கள் கேள்விக்கும் பதில் அளிக்க மாட்டேன்’ என்று கூறியுள்ளார்.