ஸ்டண்ட் சில்வா இயக்கிய முதல் திரைப்படம்: ரிலீஸ் தேதியை அறிவித்த தனுஷ்!
- IndiaGlitz, [Monday,November 22 2021]
பிரபல ஸ்டண்ட் இயக்குனர் மற்றும் நடிகர் ஸ்டண்ட் சில்வா அவர்கள் முதல் திரைப்படத்தை இயக்கி உள்ள நிலையில் அந்த திரைப்படத்தின் ரிலீஸ் தேதியை தனுஷ் தனது சமூக வலைத்தளத்தில் வெளியிட்டுள்ளார்.
தமிழ் திரையுலகின் முன்னணி இயக்குனர்களில் ஒருவர் ஸ்டண்ட் சில்வா என்பதும் இவர் அஜித், விஜய் உள்பட பல முன்னணி நடிகர்களின் படங்களுக்கு ஸ்டண்ட் காட்சி அமைத்ததோடு அவர்களின் படங்களில் நடித்துள்ளார் என்பதும் குறிப்பிடத்தக்கது.
இந்த நிலையில் ஸ்டண்ட் சில்வா முதல் முறையாக ஒரு திரைப்படத்தை இயக்கி முடித்துள்ளார். ’சித்திரை செவ்வானம்’ என்ற டைட்டில் வைக்கப்பட்டுள்ள இந்த திரைப்படத்தில் சமுத்திரகனி, ரீமா கல்லிங்கல் உள்பட பலர் நடித்துள்ளனர். இந்த படத்தின் படப்பிடிப்பு மற்றும் போஸ்ட் புரொடக்ஷன் பணிகள் முடிவடைந்து தற்போது ரிலீஸ் தேதி அதிகாரபூர்வமாக அறிவிக்கப்பட்டுள்ளது.
ஜீ பைவ் ஓ டி டி தளத்தில் வரும் டிசம்பர் 3ஆம் தேதி இந்த படம் வெளியாகும் என தனுஷ் தனது ட்விட்டர் பக்கத்தில் தெரிவித்துள்ளார். மேலும், ‘எனது நண்பர் ஸ்டண்ட் சில்வா அவர்கள் கோலிவுட் திரையுலகில் இயக்குனரானதற்கு தனது வாழ்த்துக்கள் என்றும் ’சித்திரை செவ்வானம்’ திரைப்படம் வெற்றிபெற தனது வாழ்த்துக்கள் என்றும் தனுஷ் தனது டுவிட்டர் பக்கத்தில் தெரிவித்துள்ளார்.
1st Look of #ChithiraiSevvaanam Directed by my dear friend @silvastunt, Wishes to him for Venturing in KTown as a Director
— Dhanush (@dhanushkraja) November 21, 2021
Starring @thondankani @rimarajan #PoojaKannan
Presented by Dir #Vijay@Vairamuthu @SamCSmusic
A #Zee5 @ZEE5Tamil Exclusive film Premieres on Dec 3???? pic.twitter.com/TR7IBT1GSL