சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படம் ஆகஸ்ட் 10ஆம் தேதி ரிலீசாக இருக்கும் நிலையில் இந்த படத்திற்கு ரசிகர்கள் யாரும் தியேட்டருக்கு லேட்டாக வந்துவிட வேண்டாம் என்றும் ஆரம்ப மாஸ் சீனை மிஸ் பண்ணி விடுவீர்கள் என்றும் இந்த படத்திற்கு ஸ்டாண்ட் மாஸ்டராக பணிபுரிந்த கெவின் தெரிவித்துள்ளார்.

அவர் சமீபத்தில் ஊடகம் ஒன்று அளித்த பேட்டியில் ’ஜெயிலர்’ திரைப்படம் பார்க்க தியேட்டருக்கு லேட்டாக செல்ல வேண்டாம் என்றும் தலைவருடைய மாஸ் சம்பவம் முதல் காட்சியில் இருந்து ஸ்டார்ட் ஆகிவிடும் என்றும் தெரிவித்துள்ளார்.

மேலும் இந்த படத்தில் உள்ள ஒவ்வொரு காட்சியும் ரசிகர்களுக்கு வெறித்தனமான விருந்தாக இருக்கும் என்றும் இயக்குனர் நெல்சன் மாஸ் திரைக்கதையை ரஜினிக்காக எழுதியுள்ளார் என்றும் இந்த படம் சூப்பர் ஸ்டாரின் அதகளமான ஆட்டமாக இருக்கும் என்றும் அவர் தெரிவித்தார்

‘கோலமாவு கோகிலா’ ’டாக்டர்’ போலவே இந்த படத்தின் திரைக்கதை சர்ப்ரைசாக இருக்கும் என்றும் அவர் கூறியுள்ளார். இந்த தகவலை பார்க்கும்போது நெல்சன் ரஜினிக்காக ’ஜெயிலர்’ படத்தை மிகப்பெரிய சம்பவம் செய்து உள்ளார் என்பது கிட்டத்தட்ட உறுதியாக உள்ளது.

ஸ்டண்ட் மாஸ்டர் கெவின் பிரபல சென்ட் மாஸ்டர் சிவா என்பவரின் மகன் என்பதும் கெவின் ஏற்கனவே என்.டி.ஆர் பாலகிருஷ்ணா நடித்த ‘அகண்டா’ உள்பட ஒரு சில படங்களில் ஸ்டண்ட் மாஸ்டராக பணிபுரிந்து உள்ளார் என்பது குறிப்பிடத்தக்கது.