ஜல்லிக்கட்டு போராளிகளின் 3 கோரிக்கைகள். தமிழக அரசு ஏற்குமா?
- IndiaGlitz, [Wednesday,January 18 2017]
ஜல்லிக்கட்டுக்கு ஆதரவாக நேற்று காலை முதல் சென்னை மெரீனா கடற்கரையில் இளைஞர்கள் பட்டாளம் கூடி போராட்டம் நடத்தி வருகிறது. இந்த போராட்டத்திற்கு தமிழகத்தின் அனைத்து பகுதிகளில் இருந்தும் ஆதரவு பெருகி வருகிறது.
இந்நிலையில் போராட்டம் செய்து வரும் இளைஞர்கள் மூன்று கோரிக்கைகளை வைத்துள்ளனர். இந்த மூன்று கோரிக்கைகளும் ஏற்றுக்கொள்ளப்பட்டால் போராட்டம் வாபஸ் பெறுவது குறித்து ஆலோசிக்கப்படும் என்று அவர்கள் கூறியுள்ளனர்.
அந்த மூன்று கோரிக்கைகள் பின்வருமாறு;
1. காட்சி விலங்குகள் பட்டியலில் இருந்து காளையை நீக்க வேண்டும்
2. தமிழக எம்.பி.க்கள் பிரதமரை சந்தித்து அவசர சட்டம் கொண்டு வர அழுத்தம் தர வேண்டும்
3. தமிழக சட்டப்பேரவையில் ஜல்லிக்கட்டுக்கு ஆதரவாக தீர்மானம் நிறைவேற்ற வேண்டும்
இந்த மூன்று கோரிக்கைகளை தமிழக அரசு ஏற்றுக்கொள்ளுமா? ஜல்லிக்கட்டு பிரச்சனைக்கு நிரந்தர தீர்வு கிடைக்குமா? என்பதை பொறுத்திருந்து பார்ப்போம்.