மாணவி பாலியல் வன்புணர்வு.....! திருப்பூரை சேர்ந்த 4-வர் கைது.....!
- IndiaGlitz, [Saturday,August 28 2021]
மைசூரு பகுதியில் கல்லூரி மாணவியை பாலியல் வன்கொடுமை செய்த, 4 கொடூரர்களை போலீசார் கைது செய்துள்ளனர்.
கடந்த 24-ஆம் தேதி, மைசூர்-ல் சாமுண்டிகோயில் பகுதியில், தனது ஆண் நண்பருடன் கல்லூரி மாணவி, பைக்கில் சென்றுள்ளார். அந்த சமயத்தில் பைக்கை வழிமறைத்த மர்ம கும்பல், அந்த பெண்ணை கட்டாயப்படுத்தி பாலியல் வன்கொடுமை செய்துள்ளனர்.
கர்நாடக போலீசார் இதை தீவிரமாக விசாரிக்க, அலைபேசி டவர் மூலம் 5 நபர்கள் கொண்ட கும்பல் இந்த கொடூர செயலை செய்துள்ளனர் என்பது தெரிய வந்துள்ளது. இதன் அடிப்படையில் ஈரோட்டில், தாளவாடி மலைப்பகுதி அருகே உள்ள சூசைபுரம் கிராமத்தில் வசித்து வந்த பூபதி என்ற 28 வயதுடைய இளைஞரை காவல் துறையினர் கைது செய்தனர். இவன் கூறிய வாக்குமூலத்தை வைத்து, தனிப்படை போலீசார் திருப்பூரில் உள்ள சேவூரில், இன்று 4 பேரை கைது செய்துள்ளனர். ஓட்டுநர் மற்றும் சுமை தொழிலாளர்களாக, இந்த கொடூரர்கள் மைசூருக்கு சென்றுள்ளார்கள் என விசாரணையில் தெரியவந்துள்ளது. மேலும் ஒரு நபரை அதிகாரிகள் தேடி வருவதாக கூறியுள்ளனர்.