நடிகர் சிம்பு பாடிய பணமதிப்பிழப்பு வீடியோ சமீபத்தில் வெளியாகி பெரும் பரபரப்பை ஏற்படுத்தியது. இந்த பாடலுக்கு எதிர்ப்பு தெரிவித்து பாஜகவினர் போராட்டம் நடத்தவுள்ளதாக செய்திகள் வெளிவந்ததை அடுத்து சிம்புவின் வீட்டிற்கு போலீஸ் பாதுகாப்பும் போடப்பட்டது என்பது குறிப்பிடத்தக்கது.

இந்த நிலையில் சற்றுமுன்னர் சமூக வலைத்தளத்தில் சிம்பு ஒரு வீடியோவை வெளியிட்டுள்ளார். அந்த வீடியோவில் அவர் கூறியிருப்பதாவது: அனைவருக்கும் வணக்கம். 'சக்க போடு போடு ராஜா' படத்தின் பாடல்களுக்கும், டிரெய்லருக்கும் நல்ல வரவேற்பு கொடுத்ததிற்கு நன்றி. உங்கள் அனைவரிடமும் பேசி நீண்ட நாட்களாச்சு, அதனால் பேச வேண்டும் என தோன்றியது. எனது மற்ற பாடலுக்கு நல்லதொரு வரவேற்பு கொடுத்து வருகிறீர்கள்.

சமூகவலைத்தளத்தில் இல்லாததால் ரசிகர்களிடம் பேசி ரொம்ப நாளாகிவிட்டது. உங்களை ரொம்ப மிஸ் பண்ணுகிறேன். நீங்கள் அனைவருமே இருக்கும் போது பார்த்துக் கொள்வீர்கள் என்ற நம்பிக்கை இருக்கிறது. இது படத்தின் கெட்டப் எல்லாம் கிடையாது. வேறொரு விஷயம் சீக்கிரத்திலேயே வருகிறது. மீண்டும் வருவேன். நம்புங்கள்!

இவ்வாறு சிம்பு அந்த வீடியோவில் தெரிவித்துள்ளார்